Tálipter Reseı men Ýkraına arasyndaǵy áskerı qaqtyǵysty muqııat qadaǵalap, taraptardy tatýlasýǵa shaqyrady. Bul týraly "Talıban" arnyıy úndeý jasady.
Habarlamada Talıban Ýkraınadaǵy jaǵdaıdy muqııat qadaǵalap, beıbit turǵyndar arasynda bolýy múmkin shyǵyndarǵa alańdaýshylyq bildiretini aıtylǵan. Aýǵanstan bıligi soǵysýshy taraptardy janjaldy dıalog pen beıbit jolmen sheshýge shaqyrdy.
Buǵan deıin Ýkraına prezıdenti Vladımır Zelenskıı beınehabarlama jazyp, onda Reseıdi soǵys qımyldaryn toqtatý týraly kelissózderge shaqyrdy. Onyń aıtýynsha, kelissózder neǵurlym erterek bastalsa, Reseıdiń shyǵyndary soǵurlym az bolady.
"Adyrna" ulttyq portaly
