Bas prokuraturanyŋ keŋeitılgen alqa otyrysynda qaŋtar oqiǧalary kontekstınde qylmystyq prosestegı azamattardyŋ konstitusiialyq qūqyqtaryn saqtau mäselelerı talqylandy, dep habarlaidy "Adyrna" ūlttyq portaly.
Onyŋ jūmysyna Bas Prokurordyŋ mındetın atqaruşy Berık Asylov, Adam qūqyqtary jönındegı uäkılettı Elvira Äzımova men Respublikalyq advokattar alqasy töraǧasynyŋ orynbasary İgor Vranchev, sondai-aq qūqyq qorǧau jäne arnaiy organdardyŋ basşylary qatysty.
Is-şarany aşqan B.Asylov Memleket basşysynyŋ tapsyrmasy boiynşa qaiǧyly oqiǧanyŋ sebepterı mūqiiat tergep-tekserılıp jatqanyn atap öttı.
«Qazır bız beibıt mitingılerdı ärtürlı küşterdıŋ paidalanǧanyn naqty bılemız. Ūiymdastyruşylar destruktivtı jäne qylmystyq toptardy tartyp, qarulandyryp, olardyŋ äreketterın üilestırgen. Tärtıpsızdıkter azamattarǧa qarsy zorlyq-zombylyqpen, qiratumen jäne tonaumen qatar jürgen. Olardyŋ maqsaty halyqty qorqytyp, bilıktıŋ jūmysyna tosqauyl qoiu bolǧan», - dedı B.Asylov.Bas prokuraturanyŋ Qylmystyq qudalau qyzmetınıŋ bastyǧy Serık Şalabaev öz kezegınde: «Jappai tärtıpsızdıkter kezınde jäne odan keiın ūstalǧan tūlǧalardyŋ qūqyqtarynyŋ saqtaluyn Bas prokuratura erekşe baqylauda. Bügıngı taŋda azaptau jäne qyzmettık ökılettıktı asyra paidalanu boiynşa 203 qylmystyq ıs qozǧalǧan, olardyŋ ışındegı eŋ rezonanstylaryn arnaiy prokurorlar tergeude. Sotqa deiıngı tergep-tekseru barysynda ūstalǧandarǧa qatysty zaŋsyz tergeu ädısterın qoldandy degen küdıkpen 9 qyzmetker anyqtalyp, ūstaldy», - dep atap öttı. S.Şalabaevtyŋ aituynşa, qaŋtardaǧy qaiǧyly oqiǧanyŋ nätijesınde tergeu-jedel toptary terrorizm aktılerı, kısı öltıru, qaru ūrlau jäne jappai tärtıpsızdıkter boiynşa 3502 qylmystyq ıstı tergeude. Olardy boiynşa 737 küdıktı adam tergeu izoliatorynda qamauda. Sondai-aq, ol, būltartpau şarasyn özgertumen 307 adam, onyŋ ışınde 27 kämeletke tolmaǧandar bosatylǧanyn, odan basqa ekı kämeletke tolmaǧandar qamauda qalǧany turaly aitty. Bügınde būltartpau şarasyn özgertu turaly arnaiy prokurorlardan taǧy 22 adamǧa qatysty materialdar tüsken.
«Qaŋtar oqiǧasyna qatysty ıster boiynşa 1,5 myŋǧa juyq oqiǧa oryndaryn qarau jürgızıldı, 1500-den astam sot-medisinalyq saraptamalar taǧaiyndalyp, jürgızılude. Prokuratura organdaryna tergeudıŋ zaŋsyz ädısterı men azaptaudy qoldanu turaly 283 aryz tüstı. Oǧan kınälı qūqyq qorǧau organdarynyŋ qyzmetkerlerı zaŋ aldynda qataŋ jauapqa tartylatyn bolady», - dedı S.Şalabaev.Qadaǧalau organy barlyq jaǧdaida dausyz dälelderge negızdelgen obektivtı jäne beitarap baǧa berılıp, azamattardyŋ konstitusiialyq qūqyqtarynyŋ qolsūǧylmauşylyǧy qamtamasyz etıletınıne sendırdı. Jiyn soŋynda Bas Prokurordyŋ m.a. Konstitusiiaǧa säikes memlekettıŋ eŋ joǧary qūndylyǧy adam jäne onyŋ ömırı, qūqyqtary men bostandyqtary ekenın atap öttı. Negızgı zaŋ azaptauǧa, zorlyq-zombylyqqa, qatygezdıkke nemese ar-namysty qorlaityn äreketterge naqty tyiym salady. Prokurorlar tergeu izoliatorlary men basqa da qyzmettık üi-jailardy kün saiyn, onyŋ ışınde tüngı uaqytta jäne demalys künderı tekserudı jalǧastyrady. Būl jūmys Ūlttyq aldyn alu tetıgınıŋ qatysuşylarymen jäne qūqyq qorǧauşylarmen tyǧyz bailanysta jürgızıletın bolady.
"Adyrna" ūlttyq portaly
