QR Memleketık hatşysy Gülşara Äbdıqalyqovanyŋ töraǧalyǧymen Qazaqstan Respublikasynyŋ Prezidentı janyndaǧy Jastar saiasaty jönındegı keŋesınıŋ HHI keŋeitılgen otyrysy öttı, dep habarlaidy Baq.kz aqparat agenttıgı.
«Bız üşın bastysy jastardyŋ tarihqa, ūlttyq mädenietke, dästürge qyzyǧuşylyǧyn oiatu. Ol üşın ükımettık emes ūiymdarmen bırlesıp, jastarǧa arnalǧan jobalar äzırlep, dästürlı qūndylyqtardy qoldau men zertteu ortalyqtaryn aşu qajet», – dedı Memlekettık hatşy.Keŋes otyrysy barysynda QR Dın ısterı jäne azamattyq qoǧam ministrı Darhan Käletaev baiandama jasap, el jastary progressivtı reformalar men jaŋaşyldyqtardyŋ negızgı qozǧauşy küşı bolu qajettıgın jetkızdı.
«Ruhani jaŋǧyrudy tabysty jüzege asyru üşın jastar onyŋ qūndylyqtaryn tolyǧymen boilaryna sıŋırıp, kündelıktı ömırde oǧan arqa süieulerı tiıs. Bızdıŋ mındetımız olardy barynşa tüsındıruge kömektesu, ruhani jaŋǧyrudyŋ män-maǧynasyn qarapaiym jäne qoljetımdı türde jetkızu, olardy özderıne beiımdeu üşın qoldau körsetu bolyp tabylady. Jastar ortasynda «ruhani jaŋǧyru» qūndylyqtaryn taratu jäne onyŋ maǧynasyn jetkızudıŋ ortalyǧy bılım beru mekemelerı men būqaralyq aqparat qūraldary boluy tiıs», - dedı ministr.Darhan Käletaevtyŋ aituynşa, «Ruhani jaŋǧyru» konteksınde dästürlı jäne zamanaui qūndylyqtardy zertteu jäne nasihattau ortalyqtary jastarmen qarym-qatynas jasaudyŋ tiımdı arnasy bolady. Jastardyŋ mädeni jäne sporttyq nysandarǧa qoljetımdılıgın şeşu üşın Dın ısterı jäne azamattyq qoǧam ministrlıgı ötken jyly barlyq oblystarda, Astana men Almaty qalalarynda 2017-2020 jyldarǧa arnalǧan jastardyŋ bos uaqytyn ötkızu turaly josparlaryn bırlesıp qabyldauǧa bastama köterdı. Ötken jyly osy josparlarǧa säikes 379 jaŋa köp funksionaldy nysandar jäne 7 sauyqtyru ortalyqtary paidalanuǧa berıldı. Sonyŋ ışınde Oŋtüstık Qazaqstan oblysynda jaŋadan qūrylǧan nysandardyŋ sany 178 bırlıkke jettı. Keŋestıŋ kün tärtıbı aiasynda Mädeniet jäne sport ministrı Arystanbek Mūhamediūly, Oŋtüstık Qazaqstan oblysynyŋ äkımı Janseiıt Tüimebaev, «Qazaqstan-2050» Jalpyūlttyq qozǧalysy Keŋesınıŋ töraǧasy Mūhtar Mankeev, jurnalist-publisist Qanat Äuesbai, käsıpker Janbolat Maratov, «Nūr Otan» partiiasynyŋ «Jas Otan» jastar qanatynyŋ töraǧasy Daniiar Sündetbaev baiandama jasady. Kezdesu soŋynda Memlekettık hatşy memlekettık organdardyŋ basşylaryna «Ruhani jaŋǧyru» kontekstınde dästürlı jäne qazırgı zamanǧy qūndylyqtardy zerdeleu jäne damytu ortalyqtaryn qūru jäne olardy damytudy, sondai-aq memlekettık-jekemenşık serıktestık tetıkterın belsendı paidalanu arqyly jastardyŋ bos uaqytyn tiımdı ūiymdastyrudy tapsyrdy. Eskertu! Baq.kz saitynda jariialanǧan avtorlyq materialdardyŋ barlyq qūqyqtary qorǧalǧan jäne aqparat agenttıgınıŋ menşıgı bolyp tabylady. Köşırıp basu redaksiianyŋ rūqsatymen jüzege asady. Materialdy köşırıp basu kezınde Baq.kz saityna töte sılteme körsetu talap etıledı.
Baq.kz
