Bılım beru salasyndaǧy özgerıster boiynşa “Adyrna” ūlttyq portalynyŋ tılşısı QR Bılım beru ısınıŋ qūrmettı qyzmetkerı Ömır Şynybekūlymen sūhbattasty.
-Mūǧalımderdıŋ jalaqasy östı. Alaida artylǧan jük te köbeigen sekıldı. Osy uaqyt aralyǧynda jalaqy men qosa märtebe de qatar ösıp kele me?
— İä jalaqy östı. 2019 jyldyŋ soŋynda «Pedagog märtebesı turaly» Zaŋ qabyldandy.
Bıraq ökınışke qarai zaŋ qabyldanǧanyna 2 jyldan assa da, bılım salasyndaǧy köptegen basşylar būl zaŋdy älı aşyp körmegenıne kuä bolyp jürmız..
-Ministr bılımı joq mūǧalımder balalarmen jūmys ıstemeuı kerek dedı. Alaida auyldyq, audandyq jerlerde sanitar qyzmetkerlerı syrttai bıtırıp, fakultativ sabaqtarynan saǧat alyp sabaq berıp jür degen sybys bar.
Mūndai dünielerge şekteu rasymen bola ma?
— İä, syrttai oqyp diplom alyp mektepter men bala baqşalarǧa jūmysqa kırgen adamdardyŋ qatary jeterlık. Mūndai jaǧdai äsırese auyldy jerlerde keŋ etek jaiǧan..
Qoldarynda memlekettık ülgıdegı diplomy bar adamdy qalai şekteisız? Şekteu mümkın emes..
-Al keibır orta buyndaǧy mūǧalımder bılıktılıktı tekseretın test sūraqtaryna narazy. Öitkenı, qanşa jyl täjıribesı bolsa da, test qiyn ekenın alǧa tartty.
Jalpy bızdegı bılım reformasyn tolyǧymen retteuden ötkızu qajet pe?
— Ministrımız öte bılımdı, öte sauatty bolǧanymen Bılım jäne ǧylym ministrlıgınen şyǧyp jatqan qūjattarda şikılık öte köp.
Soǧan qaraǧanda ministrlıkte ministrge sabotaj jasaityn qyzmetkerler bar ma degen küdıgım bar..
İä, pedagogtardyŋ bılıktılıgın köteru şarttary köŋılge qonymsyz..
Bılıktılık testı teoriialyq bılımı şamaly bolsa da, test jattauǧa qabılettıler üşın öte tiımdı boldy. Köpke topyraq şaşu oiymda joq. Arasynda naǧyz bılgırler bar.
Bıraq bılım salasynda 5-6 jyl ǧana ıstep, özge eşbır jetıstıkke jetpese de test jattaǧyş qabıletınıŋ arqasynda bılıktılık sanatyn köterıp jatqan mūǧalımder jetıp artylady.
Satyp alu turaly äŋgıme bır bölek. Şymkentte 300-den asa mūǧalım öz sanatyn joǧarylatu zaŋ būzuşylyqqa baryp, memleketten tölenetın üstemaqy alyp kelgenı anyqtaldy.
Qazaqstan boiynşa ūstalmaǧany qanşa ekenın bır qūdai bıledı..
Öz basym bala künımnen jattauǧa joqpyn..
Sondyqtan test tapsyru men üşın öte auyr…
Portfolionyŋ jyry öz aldyna bölek äŋgıme…
Ärıptesınıŋ gramota, alǧys hattaryna fotoşop arqyly öz aty-jönın jazyp, portfoliosyna salyp ötkızıp jatqan mūǧalımder de bar desedı..
Öz eŋbegımen alǧan marapattary bolsa da bılım basqarmasy men bölımderınıŋ mamandarynyŋ qoldaryna bırdeŋe qystyrmaǧany üşın bılıktılık sanatyn kötere almai qalǧan mūǧalımder turaly äleumettık jelı betterınen oquǧa bolady.
Bıraq oǧan nazar audaryp jatqan pende joq.
-ŪBT tapsyrudyŋ zaŋy jyl saiyn özgerude. Biyl tekserıs kameralary qatarǧa qosyldy. Adaldyqty, ädıldıktı negızı ŪBT aldynda emes, mektep ışınen bastau kerek sekıldı. Tym qataŋdatu bala bolaşaǧyna balta şabu emes pe?
— ŪBT tapsyru tärtıbı tym qataŋ dep aitpas edım.
Bıraq sūraqtary turaly äŋgıme jeterlık..
-“Atylǧan da bızdıŋ oquşylar, atqan da bızdıŋ oquşylar” dep jazdyŋyz öz paraqşaŋyzǧa. Qaŋtar oqiǧasy jaily ne oilaisyz? Bilık sabaq alyp, reforma jasai alady dep senesız be?
— Qaŋtar oqiǧasyna deiın de polisiia qyzmetkerlerı beibıt şeruge şyqqan qarapaiym azamattardy jas-kärı demei, arnaiy kölıkterıne qoidai toǧytyp tyǧyp jatatyn. Sol qyzmetkerler de bızdıŋ mektepterde bılım aldy ǧoi..
Al qaŋtar qyrǧyny kezınde tüsırılgen beinerolikterdı qarap otyrsaŋyz, jap-jas jıgıtter polisiia qyzmetkerlerın aiausyz sabap jatqanyn kördık..
Būl nenı bıldıredı?
Būl bızdıŋ bılım beru jüiesınıŋ auyr «keselge şaldyqqanyn» bıldıredı.
Batys elderınen sabaq ötudıŋ san türlı ädıs-täsılın äkeldık. Bıraq arasynda tärbie turaly bır söz joq.
Mekteptıŋ basty funksiiasy tek oqytu emes, oqu-tärbie ekenın ūmyttyq.
Qaŋtar qyrǧynynan bızdıŋ bilıktıŋ sabaq alǧan-almaǧanyn prezident Q.Toqaevtyŋ nauryz aiyna josparlap otyrǧan ündeuınde belgılı bolady. Oǧan deiın bırdeŋe deu artyq..
Inju ÖMIRZAQ
