Bügın Şymkent qalasyndaǧy Etnoauyl tarihi keşenınde 1 nauryz – Alǧys aitu künıne orai merekelık ıs-şara ūiymdastyryldy. Merekelık ıs-şaraǧa mädeniet jäne öner mekemelerınıŋ, qalalyq tötenşe jaǧdailar qyzmetınıŋ, polisiia departamentınıŋ qyzmetkerlerı men sarbazdar, ūstazdar men därıgerler, etnomädeni bırlestık ökılderı jäne joǧary oqu oryndarynyŋ erıktı jastary atsalysty.
–Būl mereke türlı tarihi kezeŋder men oqiǧalardyŋ saldarynan qazaq jerıne qonys audarǧan etnos ökılderınıŋ memleket qūrauşy qazaq halqyna qūrmet körsetetın, qamqorlyǧy men meiırbandyǧy üşın alǧys aitatyn künı. Bıraq, bügınde merekenıŋ auqymy mūnymen de şektelmeidı. Bız būl künı aq jaulyqty analarymyzǧa, aq saqaldy qariialarymyzǧa, ainalasyndaǧy adamdardyŋ igılıgı men eldıŋ damuy üşın tynbai eŋbek etıp jürgen azamattarymyzǧa alǧys aitudy, rizaşylyǧmyzdy bıldırudı dästürge ainaldyryp kele jatyrmyz, – dedı Şyŋǧys Jūmabekūly.Aita keteiık, mereke künıne orai qala köşelerı bezendırıluımen qatar, «Şymqala» etnoauylynda köktem belgısı bäişeşek gülınıŋ, beibıtşılık pen meiırımdılık qūsy qarlyǧaştyŋ alyp beinelerı jasalyp, qala tūrǧyndaryna erekşe köŋıl syilady. Sonymen qatar, qalamyzdaǧy 15 ırı sauda – oiyn-sauyq ortalyǧy men qalalyq saiabaqtarda, äuejai, temır jol vokzaly, bazarlar men studetter köp tūratyn şaǧyn audandarda 1 million qūrt pen 1 million bauyrsaq taratyldy. Esterıŋızge salsaq, byltyr da qala tūrǧyndaryna 1 million qūrt taratylǧan bolatyn.
