Alash.kz – aqparat aidynyna jaŋa sait qosyldy

Qūrmettı oqyrman, aqparat aidynyna jaŋa sait qosyldy. Alaştyŋ sözı bolsyn degen ümıtpen saittyŋ atyn alash.kz dep qoidyq. Täuelsız baǧytta qūrylǧan saitymyzdyŋ negızgı taqyryptyq nysanasy: qoǧamdyq-saiasi, äleumettık, ekonomikalyq taqyryptarmen bırge, bılım men sport, medisina men qorǧanys, ädebiet pen tarihi taqyryptardy qamtidy. Jasyratyny joq, qazır ne köp: sait pen portal köp. Ol az deseŋız, är gazettıŋ bır-bır saity taǧy bar. Bügın aşylyp, erteŋ jabylyp jatqandary da az emes. Bıraq qazaq tıldı auditoriiaǧa arnalǧan qazaq tıldı sapaly kontent az, sanauly ǧana. Bızdıŋ maqsat osy keŋıstıktı sauatty, auqymdy qazaq tıldı kontentpen toltyru. Memleket saiasatyn aqparattyq qoldau, Resei propagandasyna qarsy tūru, jalǧan aqparattardyŋ jolyn kesu – bızdıŋ saittyŋ negızgı ūstanymy. Qazır älem üşın qaru-jaraqpen soǧystan bölek, aqparattyq soǧystyŋ da maŋyzdylyǧyna kün saiyn közımız jetude. Mäselen, dünienı dür sılkındırıp tūrǧan Resei men Ukraina soǧysynda aqparattyq şabuyldyŋ da ülesı bar. Būl jaǧynan Kiev jaqsy jūmys jasap jatyr. Saǧat, minut saiyn Mäskeudıŋ qolǧa tüsken soldattaryn kögenge tızıp, közderın möldırıp tūryp alty qūrlyqqa taratyp, Resei agressisyn aipara qylyp, özderınıŋ sät saiyn jeŋıske jaqyndap kele jatqanyn körsetude. Meilı, būl soǧysta Putin jeŋer-jeŋıler, bıraq Ukrainanyŋ aqparattyq soǧysta mysy basyp tūr. Būl jeŋıs soǧystan keiın uakrin halqynyŋ ruhyn bekıtedı, qazırgı jürgızılıp jatqan aqparattyq şaiqas sonyŋ bır dälelı. alash.kz saity Qazaqstan aqparat keŋıstıgınde öz orny bar, baǧyt-baǧdary aiqyn, maqsaty men mındetı naqtylanǧan ülken aqparat agenttıgıne ainalatyny anyq!