Qazaqstan Respýblıkasynyń Prezıdenti – Qarýly Kúshterdiń Joǵarǵy Bas qolbasshysynyń tóraǵalyǵymen Qorǵanys mınıstrliginde armııany odan ári damytý máseleleri jóninde keńes ótti, dep habarlaıdy “Adyrna” ulttyq portaly Aqordaǵa silteme jasap.
Qasym-Jomart Toqaev qorǵanys vedomstvosynyń basshylyǵyna áskerı qaýipsizdiktiń qazirgi jaǵdaıyn eskere otyryp, Qarýly Kúshterdiń qurylymy men quramyn jańǵyrtý jóninde tapsyrma berdi. Sonymen qatar zamanaýı ıfrlyq tásilder arqyly áskerı basqarý júıesin jetildirý qajet ekenine nazar aýdardy.
Jıynda Qazaqstan áskerin zamanaýı ári joǵary tehnologııaly qarý túrlerimen, áskerı tehnıkamen qaıta jabdyqtaý máseleleri talqylandy. Qorǵanys mınıstrligine áskerı kúshterdi paıdalanýdyń jańa ádisterin engizý arqyly jaýyngerlik daıyndyq baǵdarlamasyn qaıta qaraý tapsyryldy.
Memleket basshysy áskerı qyzmetshilerdiń kásibı deńgeıin arttyrý, merıtokratııa qaǵıdaty negizinde mansapty ósirý maqsatymen áskerı bilim berý jáne kadrlyq saıasat júıesin damytý máselelerine basa mán berdi. Prezıdent áskerı qyzmetshiler men áskerı qyzmettiń áleýmettik mártebesin arttyrý jáne jastardy áskerı boryshyn óteýge yntalandyrý qajettigi týraly aıtty.
Jıyn sońynda Joǵarǵy Bas qolbasshy memlekettiń múddesin jáne árbir azamattyń qaýipsizdigin qorǵaý Qarýly Kúshterdiń mindeti ekenin atap ótti.
“Adyrna” ulttyq portaly
