Kölık apaty jiı bolatyn Almaty-Bışkek trassasynda tiıstı jol belgılerı ornatylmaǧan. Būǧan deiın Myŋbaev jäne Qasymbek auylynyŋ tūrǧyndary küre jol boiynda adam ölımı köbeidı dep narazylyq bıldırgen edı. Öitkenı däl osy maŋnan soŋǧy bır aptanyŋ ışınde ekı adamdy kölık qaǧyp qaza tapqan.
Osydan keiın «Jol aktivterı ūlttyq sapa ortalyǧy» Almaty oblystyq filialynyŋ mamandary arnaiy reidke şyqty.
Tekseru barysynda Almaty-Bışkek-Täşkent-Termez baǧytyndaǧy tas joldyŋ 60-şy şaqyrymynda «jaiau jürgınşıler ötkelı» degen belgınıŋ joqtyǧy anyqtaldy. Sondai-aq küre joldy kesıp ötetın jürgınşılerge arnalǧan «tarǧyl» jolaqtyŋ boiauy öşıp qalǧan.
Osynyŋ kesırınen joǧary jyldamdyqpen jüiıtkıgen jürgızuşıler jaiaulardy körmei qalady eken. Būdan bölek, jol sapasyna jauapty mamandar däl osy tas joldyŋ 44-şı şaqyrymynda da «jaiaular ötkelı» degen belgınıŋ joqtyǧyn jäne bırneşe jerde jol belgılerınıŋ talapqa sai ornatylmaǧanyn anyqtady.
Osy kemşılıkterdı joiu üşın «QazAvtoJol» mekemesıne arnaiy hat joldandy.
Jergılıktı tūrǧyndar «ölım joly» atap ketken būl maŋǧa jer üstı ötkelı salynatyn boldy. Onyŋ jūmysyna respublikalyq biudjetten 180 million teŋge bölıngen. Qūrylys jūmystary 2022 jyldyŋ qaraşa aiynda aiaqtalady dep josparlanuda.
”Adyrna” ūlttyq portaly
