Osydan 4 jyl būryn bankir Erjan Tätışevtı öltırgenı üşın sottalǧan käsıpker Mūrathan Toqmädi prezidentke ıstı qaita qaraudy sūrap aşyq hat jazdy, dep habarlaidy “Adyrna” ūlttyq portaly.
Stan.kz saitynyŋ mälımetınşe, Toqmädidıŋ aituynşa, ŪQK qyzmetkerlerı ony qorqytu, ūryp-soǧu, azaptau, otbasyna moraldyq-psihologiialyq qysym körsetu sondai-aq şottaryn jauyp, mülkıne tyiym salu arqyly kınäsın moiyndatuǧa jäne ıs jürgızu kelısımıne qol qoiuǧa köndırgen.
Toqmädi sol kezdegı ŪQK basşylyǧynda otyrǧan Kärım Mäsımov pen Ruslan Ysqaqovtyŋ maqsaty oppozisioner Mūhtar Äbıliazovty tūtqyndau jäne Qazaqstanǧa ekstradisiialau bolǧanyn aitady.
Äbıliazov özınıŋ būrynǧy biznes-serıktesı Tätışevtı öltıruge tapsyrys beruşı dep tanylǧan bolatyn. Is materialdary boiynşa, ol Mūrathan Toqmädimen kelısımge otyryp, 2004 jyly jeltoqsanda Tätışevke aŋ aulau kezınde öltırgen.
"Men 5 jyldan berı jasamaǧan qylmysymnyŋ jazasyn ötep kelemın! Maǧan jäne menıŋ jaqyndaryma köptegen azap keltırgen osy oqiǧanyŋ barlyǧyn Bas prokuraturanyŋ, IIM-nıŋ, sottardyŋ belsendı türde järdemdesuımen Kärım Mäsımov bastaǧan ŪQK qyzmetkerlerı toby oilap tauyp, ıske asyrdy. Olardyŋ basty maqsaty Mūhtar Äbliazovty ekstradisiialau boldy. Alaida, olar sätsız aiaqtaldy jäne osy jyldyŋ qaŋtarynda olardyŋ barlyǧy qamauǧa alyndy. Sondai-aq köptegen qylmystary turaly şyndyq bırtındep belgılı bola bastady... ", – dep jazady Toqmädi.
Eske sala keteiık, 2007 jyly Toqmädi Tätışevtıŋ abaisyzda qaza tapqany üşın raqymşylyq jasau jazasynan bosatyla otyryp, bır jylǧa bas bostandyǧynan aiyrylǧan bolatyn.
2017 jyly sot Toqmädidı bopsalau jäne qarudy zaŋsyz satyp alu, beru, ötkızu, saqtau, tasymaldau nemese alyp jürgenı üşın kınälı dep tauyp, üş jylǧa bas bostandyǧynan aiyrdy.
2018 jyldyŋ nauryz aiynda Erjan Tätışevtı öltırgenı üşın Mūrathan Toqmädi on jarym jylǧa sottaldy. Äbıliazov sot şeşımımen syrttai ömır boiyna bas bostandyǧynan aiyryldy.
Mūrathan Toqmädi kelısımderge säikes oǧan 5 jyl merzım "uäde etılgen" dep otyr. Alaida käsıpker 10 jylǧa bas bostandyǧynan aiyru turaly ükım şyǧardy. Osydan keiın qol qoiylǧan prosestık kelısım ısten joǧalyp kettı.
“Adyrna” ūlttyq portaly
