Ýkraınanyń Marıýpol qalasyndaǵy balalar aýrýhanasy men perzenthanaǵa joıqyn soqqy jasaldy. Saldarynan, 17 adam aýyr jaraqat aldy. Qaza tapqandar tabylmady, dep habarlaıdy BBC.
"Marıýpol. Reseı áskeriniń perzenthanaǵa jasaǵan tikeleı soqqysy. Adamdar, balalar qırandylar astynda. Jaýyzdyq! Álem qashanǵa deıin terrorǵa mán bermeıtin sybaılas bolyp qala beredi. Jyldam áýe keńistigin jabyńyzdar. Kisi ólimin doǵaryńyzdar. Kúshterińiz bar, biraq adamgershilikten aıyryla bastaǵan sekildisizder", - dep jazdy Ýkraına prezıdenti Vladımır Zelenskıı.
"Barlyǵy qıraǵan. Jaqynda ǵana balalar em alǵan medıına mekemesi tolyǵymen buzylǵan. Zardap shekken balalar jaıly aqparat naqtylanyp jatyr", - dep jazdy Marıýpol qalalyq keńesi.
Donek oblystyq áskerı ákimshiliginiń basshysy Pavel Kırılenko jaraqat alǵandardy jaqyn mańdaǵy aýrýhanaǵa evakýaııalanatynyn málimdedi.
"Qala ortalyǵyndaǵy bosandyrý bólimi, balalar men terapevttik bólim Reseı avıaııasynyń Marıýpolge jasaǵan soqqysy saldarynan tolyǵymen qırady", - dep jazdy ol.
Kırılenkonyń sózinshe, perzenthanaǵa jasalǵan soqqy saldarynan 17 adam jaraqat alǵan. Qaza tapqandar joq. Zardap shekkender qatarynda júkti áıelder men medıına qyzmetkerleri bar.
Ýkraına áýe soqqysynyń Reseı jarııalaǵan "tynyshtyq" rejımi kezinde jasalǵanyn málimdedi. Al Ýkraına ulttyq polıııa basshysynyń birinshi orynbasary Vıacheslav Abroskın Reseıdiń artıllerııalyq soqqy jasaǵanyn aıtty.
Joǵarǵy Rada depýtaty Dmıtrıı Gýrın de perzenthanaǵa shabýyl jasalǵanyn rastady. Sózinshe, qaza tapqan balalar men náresteler jaıly aqparat joq. Qazir adamdar qırandylar astynan shyǵarylyp jatyr eken.
Soqqynyń nemen jasalǵanyn anyqtaý qıyn. Alaıda aýrýhana aýmaǵynda túsirilgen sýretten alyp kraterdi baıqaýǵa bolady.
Ýkraına Reseıdi azamattyq nysandarǵa shabýyl jasady dep aıyptady. Al Reseı tek áskerı nysandarǵa oq atylǵanyn alǵa tartyp, azamattyq ınfraqurylymdardyń zardap shegýin "ulttyq batalonnyń arandatýy" dep atady.
“Adyrna” ulttyq portaly
