Qazaqstannan Ýkraınaǵa 82 tonna gýmanıtarlyq kómek jetkizý joldary qarastyrylýda. Bul týraly Premer-mınıstr keńsesi basshysynyń orynbasary Rýslan Jeldibaı málim etti.
Gýmanıtarlyq qyzmet – Qazaqstannyń syrtqy saıası strategııasynyń mańyzdy baǵyty. Elimiz túrli sebepterge baılanysty kúrdeli gýmanıtarlyq jaǵdaıǵa tap bolǵan memleketterdiń halqyna árqashan múmkindiginshe kómek kórsetýge umtylady.
Basqa memleket resmı ótinish bildirgen jaǵdaıda Qazaqstan dástúrli túrde gýmanıtarlyq kómek kórsetedi. Ýkraına tarapynan osyndaı ótinish túskennen keıin Qasym-Jomart Toqaev ýkraın halqyna gýmanıtarlyq kómek kórsetý jóninde naqty tapsyrma berdi.
"Úkimet janyndaǵy Halyqaralyq gýmanıtarlyq kómek kórsetý máseleleri jónindegi komıssııa Ýkraınaǵa jalpy quny 2 251 445 AQSh dollary bolatyn 25 túrli medıınalyq dári-dármek jiberý týraly sheshim qabyldady. Gýmanıtarlyq kómektiń salmaǵy – 82 tonna. Qazirgi ýaqytta atalǵan júkti mejeli jerge jetkizý máselesi pysyqtalýda. Júkti Ýkraına aýmaǵyna tikeleı jetkizý máselesi qaýipsizdik turǵysynan óte qıyn bolyp tur. Osyǵan baılanysty Qazaqstan Úkimeti Ýkraınaǵa jiberilgen halyqaralyq gýmanıtarlyq kómekti alý jáne bólý habtary ornalasqan kórshiles memlekettermen kelissóz júrgizip jatyr", - dep jazdy R.Jeldibaı.
“Adyrna” ulttyq portaly
