Ūlttyq qauıpsızdık komitetı memleketke opasyzdyq jasau, bilıktı küşpen basyp alu jäne lauazymdyq mındetterın asyra paidalanu küdıgı boiynşa Mäsımov pen basqa da adamdarǧa qatysty qylmystyq ıs boiynşa jaŋa derekter jariialady, - dep habarlaidy “Adyrna” ūlttyq portaly Tengrinews.kz saityna sılteme jasap.
Sonymen qatar, tergeu barysynda Mäsımov äreketterınde sybailas jemqorlyq belgılerı köp anyqtalǧany habarlandy.
"Jyljymaityn mülıktı zaŋsyz alu derekterı, qymbat syilyqtar, onyŋ ışınde mädeni qūndylyqtar, otandyq biznes-qoǧamdastyq ökılderınen jäne şeteldık subektılerden qomaqty qarajat alu deregı qūjatqa tüstı.
Atap aitqanda, ŪQK töraǧasy lauazymynda Mäsımovtyŋ jabyq kelısımşarttardyŋ bırı boiynşa şet memleket ökılderınen 2 million AQŞ dollary somasynda para alu deregıne tergeu jürıp jatyr", - delıngen habarlamada.
Atalǧan qarajattyŋ Gonkongtan Qazaqstan Ūlttyq bankıne qaitaryluy qamtamasyz etıletını aityldy.
Sondai-aq, Mäsımov premer-ministr lauazymynda bolǧanda elordada biznes-qūrylymdardyŋ bırınen qūny 2,5 milliard teŋgege juyq elitalyq qonaq üi men jer uchaskesın alu deregı boiynşa tergeu bastaldy.
Mäsımov ūstalǧannan keiın, 2022 jyldyŋ qaŋtarynda būl qonaq üiden 17,2 million AQŞ dollary, sondai-aq köptegen sändı zattar - elitalyq saǧattar, altyn qūimalar, antikvariat jäne taǧy basqa zattar tärkılengenı habarlandy.
Odan bölek, biznes-klass sanatyndaǧy 11 qymbat avtokölık tärkılendı.
Nūr-Sūltan qalasyndaǧy ekı elitalyq päterıne, Almatydaǧy ekı päterge jäne saraiǧa, sondai-aq, Şuchinsk-Burabai kurorttyq aimaǧyndaǧy köldıŋ jaǧasyndaǧy audany 1 gektar jer uchaskesıne tyiym salyndy.
Mäsımovpen jaqyn bailanystaǧy adamdardan 5,1 million dollar tärkılendı.
"Osymen bır mezgılde Mäsımov pen onyŋ ainalasyndaǧylar şetel bankterıne zaŋsyz şyǧarǧan asa ırı mölşerdegı aqşalai qarajatty ızdestıru, būǧattau jäne Qazaqstanǧa qaitaru boiynşa jūmys ūiymdastyryldy", - delıngen habarlamada.
ŪQK mälımetınşe, barlyq körsetılgen derekter boiynşa qarqyndy jedel jedel-tergeu ıs-şaralary jürıp jatyr.
