Shymbulaq taý shańǵy kýrortynda qar kóshkini júrip, bir adam qaza tapty, dep habarlaıdy "Adyrna" tilshisi.
Oqys oqıǵa búgin tańerteń bolǵan. Qar kóshkini kýrorttyń Kombı-2 bóliginde júrgen. Tómenge syrǵanap kele jatqan demalýshyny qar kóshkini alyp ketken. Qutqarýshylar oqıǵa ornyna jyldam jetkenimen, ony qutqara almadv.
Qar kóshkini bes ret júrgen. Tótenshe jaǵdaı oryn alǵan jerge Respýblıkalyq jedel-qutqarý jasaǵynyń jedel toby men kınologııalyq top barǵan.
«Naýryzdyń 10-y kúni «Shymbulaq» taý kýrortyna kelýshi shańǵy tebý kezinde qar kóshkininiń astynda qalyp, mert boldy. Saǵat 10:58-de kýrorttyń qutqarýshylaryna Kombı-2 tireginiń joǵary aımaǵynda qar kóshkini túskeni týraly aqparat tústi. Oqıǵa ornyna saǵat 11:02-de jetken qutqarýshylar deneni tapqan. Qutqarý operaııasy úsh mınýttan aspady. Saǵat 11:05-te shańǵyshyny qutqarýshylar shyǵaryp alǵan. Saǵat 11:25-te týrıst feldsherlik-akýsherlik pýnktke jetkizildi, saǵat 11.29-da feldsherlik pýnkt qyzmetkerleri onyń qaıtys bolǵanyn anyqtady», - dedi «Shymbulaq» taý shańǵy kýrorty baspasóz qyzmetiniń jetekshisi Áıgerim Shardarbek.
«Adyrna» ulttyq portaly
