Qasym-Jomart Toqaev elordada brondalǵan dóńgelekti tehnıka shyǵaratyn jáne jańartatyn «Qazaqstan Paramaýnt Injınırıng» zaýytyn aralap kórdi, dep habarlaıdy “Adyrna” ulttyq portaly Aqordaǵa silteme jasap.
Prezıdentke otandyq brondalǵan dóńgelekti mashına shyǵarý jumystary kórsetildi jáne qazaqstandyq qorǵanys-ónerkásip kásiporny ónimderiniń kórmesi tanystyryldy.
Memleket basshysyna kompanııanyń jumysy men otandyq qorǵanys-ónerkásip kesheniniń jaǵdaıy jóninde málimet berildi.
Zaýytty aralap shyqqan Qasym-Jomart Toqaev atalǵan salany damytýdyń perspektıvti baǵyttaryn aıqyndap berdi.
Sondaı-aq Memleket basshysy otandyq óndirýshilerdi qoldaý qajet ekenin atap ótip, shyǵaratyn ónimderdi tehnıkalyq turǵydan zaman talabyna saı jańartýǵa shaqyrdy.
“Adyrna” ulttyq portaly
