Ukrainadan Almatyǧa evakuasiialanǧan erlı-zaiyptylar ata-ana atandy. Būl turaly “Adyrna” ūlttyq portaly Almaty arnasyna sılteme jasap habarlaidy.
Bügın Ukrainadan 155 qazaqstandyq elge oraldy. Olardyŋ jeteuı – säbi. Būl äskeri qimyldar jürıp jatqan aimaqtan kelgen törtınşı evakuasiialyq reis. Barlyǧy 580-nen astam azamat elge oralyp ülgerdı.
Otanyna oralǧandardyŋ arasynda almatylyq otbasy da bar. Ukrainadan evakuasiialau kezınde Bauyrjan İgılıkov pen onyŋ äielı ata-ana atandy. Ata-anasy da, balasy da Qazaqstanǧa kelıp ülgerdı. Säbi aman-esen düniege keldı. Erlı-zaiyptylardyŋ aituynşa, olar balany 8 jyl kütken.
"Äielım jolda bosandy. Dälırek aitsaq, evakuasiia kezınde Hmelniskii perzenthanasynda bosandy. Äielım jüktılıktıŋ qyrqynşy aptasynda edı, därıgerler ony qabyldauǧa kelıstı. Bastapqyda ol Kievte bosanuy kerek bolǧan. Bıraq bızdı qabyldaudan bas tartyp, olardyŋ ǧimaratyna şabuyl jasaluy mümkın ekenın eskerttı. Keiın osy perzenthanaǧa zymyrandyq şabuyl jasalǧanyn bıldık", - dedı Almaty tūrǧyny Bauyrjan İgılıkov.
”Adyrna” ūlttyq portaly
