Almatyda kün kürkırep, naizaǧai oinaǧan kezde Köktöbe telemūnarasyna naizaǧai tüsken sät beinejazbaǧa tüsıp qaldy, dep habarlaidy "Adyrna" ūlttyq portaly Tengrinews-qa sıltep.
Oqiǧany Äl-Farabi daŋǧylymen kele jatqan jürgızuşı videotırkegış arqyly tüsırıp alǧan. Beinekadrlarda naizaǧaidyŋ tıkelei Köktöbe telemūnarasyna tüskenı anyq körınedı.
Almaty qalalyq TJD mälımetınşe, atalǧan oqiǧaǧa bailanysty «112» jäne «101» jelılerıne eşqandai habarlama tüspegen.
Osyǧan bailanysty qūtqaruşylar qolaisyz aua raiy kezınde qauıpsızdık şaralaryn saqtauǧa şaqyrady. Mamandar qatty jel, naizaǧai nemese būrşaq kezınde mümkındıgınşe berık ǧimarat ışınde bolǧan jön ekenın eskertedı. Sondai-aq aǧaştardyŋ, jarnamalyq qalqandardyŋ jäne tūraqsyz konstruksiialardyŋ astynda panalamauǧa keŋes beredı.
Jürgızuşılerge nöser men naizaǧai kezınde jol jiegıne toqtap, kölıktı aǧaştar men älsız bekıtılgen nysandardan alys jerge qoiu ūsynylady. Al naizaǧai kezınde su aidyndarynyŋ maŋynda boludan, şomyludan jäne balyq aulaudan bas tartqan dūrys.
