Amanatqa qiianat jasaǧan mūndai myŋdaǧan Mūzdybaev siiaqty äkımderden qūtylmai qaidaǧy jaŋaru, Prezident myrza!
Respublikalyq “Qazaq ünı” ūlttyq portalyndaǧy belgılı jurnalist Ömırzaq Aqjıgıttıŋ aşynyp otyryp jazǧan (qany qazaq, jany azattyŋ şydauy mümkın emes şynynda) maqalasyndaǧy masqara oqiǧany oqyp, menıŋ de qan qysymym köterıldı.
Qane, därı-därmegımızdı ışıp alyp, qaita oqyp köreiık:
“Aqmola oblysy Burabai audany äkımı Aset Muzdybaev degenıŋ audan ortalyǧy Şuchinsk kentınen Edomskaia (?) köşesıne Bauyrjan Momyşūlynyŋ, Kommunistık köşesıne Rahymjan Qoşqarbaevtyŋ, Trudovaia köşesıne Talǧat Bigeldinovtıŋ aty berıluıne qarsy şyǧyp, könbei qoiypty:
«Onomastikalyq komissiianyŋ oŋ şeşımıne qaramastan būl talqylau bolmaidy. Qazır qoǧamdyq-saiasi jaǧdai būǧan mümkındık bermeidı. Eger köşe atyn özgertsek, ol jerge asfalt töselıp, jaryq paida bola ma? Būl qazır köteretın mäsele emes» -dep ottapty”-deidı maqalada.
İä, tura osylai deptı äkımıŋ! Basşysy mūndai bolsa, qosşysy oŋsyn ba, qasynda otyrǧan Şuchinsk (?) qalasynyŋ äkımı Erlan Qapparov ta onyŋ sözın qoştai jönelıp, “est vajnee dela, chem pereimenovaine ulis”dep, aldyna tüsıp alyp şauypty…
Būl ne masqara!
Qūdai qazaqtyŋ qasiettı qas batyrlaryn mūzdai qarulanǧan qan maidannan aman keltırdı - Mūzdybaev qaita öltırdı!.
Qanymyz basymyzǧa şapşyp otyryp, ataqty üş batyrdyŋ äruaǧynan keşırım sūrap, dūǧa jasadyq…
Sonda “Kommunistık” degen Keŋes imperiiasynyŋ sarqynşaq ūǧymy Ekınşı düniejüzılık soǧysta Berlindı qorşaǧan älemnıŋ 1,5 million äskerınıŋ ışınen janqiiarlyq erlık körsetıp, Reihstagqa tu qadaǧan qaharman Rahymjan Qoşqarbaevtan qadırlı me äkım Muzdybaevqa?!.
Erlıgı älemge aŋyz bolǧan bahadür Bauyrjannan “Edomskaia”(?), ekı ret Keŋes Odaǧynyŋ Batyry, aqiyq qyran Talǧat Bigeldinovten “Trudovaia” artyq pa, äkım Muzdybaevqa?!.
“Onomastikalyq komissiianyŋ oŋ şeşımıne qaramastan būl talqylau bolmaidy.”-dep jeke dara bilep-töstep üirengen äkım. Onda bärın özı şeşse, onomastikalyq komissiia oiynşyq bolsa, ony ne üşın qūrǧan?!. Sol baiaǧy közboiaşylyq pa?
“Qazır qoǧamdyq-saiasi jaǧdai būǧan mümkındık bermeidı. Būl qazır köteretın mäsele emes”-dep kölgırsidı äkım.
Qazır saiasi jaǧdai qiyn bolatyndai nemene, Burabaidy jau şauyp pa?!. Qaŋtardaǧy oqiǧanyŋ bır ūşqyny ǧana jetse, köleŋkesı de tabylmaidy ǧoi myna äkımnıŋ… 30 jyl ornynan qozǧalmaǧan köşe attaryn qazaqylandyru qazır köteretın mäsele bolmaǧanda, endı taǧy 30 jyl kütu kerek pe?
Menıŋ taŋǧalǧanym, bükıl qazaqqa ortaq būl üş batyrymyzdyŋ barlyq jerde köşesı bar da, Burabaida nege joq älı? Äkım qatty qorǧap otyrǧan Edomskaia, Kommunistık köşelerı bar da, Erlerımızdıŋ atynda nege joq? Men bılsem, Rahymjan Qoşqarbaev pen Talǧat Bigeldinov osy Aqmola öŋırınen. Al Baukeŋnıŋ tıptı şetelderde de köşesı bar.
Qaşan Burabaida qazaqtyŋ ūly tūlǧalarynyŋ aty asqaqtaidy?
Ūlttyq müddenı qorǧap, köşe attaryn qazaqylandyruda qairat körsetıp, şyryldap jürgenı üşın Burabai audandyq Mädeniet jäne tılderdı damytu bölımı meŋgeruşısı Dina Qasymbaevaǧa rahmet. Äkımnıŋ äiel ǧūrly qauqary joq ekenı ūsqynynan-aq körınıp tūrǧany aianyşty…
“Eger köşe atyn özgertsek, ol jerge asfalt töselıp, jaryq paida bola ma?”-deidı äkım Muzdybaev.
Mıne, bızdegı audan äkımderınıŋ asfalttan da tömen oilau deŋgeiı! Asfalt pen jaryq Ūlttyq ruhtan qymbat pa sonda?!.
Būndai, ömırı ūlttyq ruh, babalar mūrasy, dästür jalǧastyǧy, qasiet pen ösiet, tarihi tanym men ötkendı qasterleu, ūlt ūlylaryn ūlyqtau, ūrpaq sabaqtastyǧy, Memlekettılık pen Ūltşyldyq, Patriotizm, Eldı, Otandy süiu ūǧymdarynan jūrdai paqyr qalai äkım bolyp, audan basqaryp jür?!. Bıraq bızde bärı bola beretının 30 jyldan berı körıp kelemız ǧoi…
Būl basqaryp otyrǧan Burabai audany ataqty aibarly Abylai hannyŋ aq ordasy, Täuelsızdık üşın küresken soŋǧy hanymyz Kenesarynyŋ kielı mekenı bolǧanyn bıle me eken özı?!. Äi, qaidam!?. Jalpy, sol handardyŋ özın bıletınıne kümänım bar mynau masqara bylyǧyna qaraǧanda…
Bälkım, Abylaidyŋ tüsındegı baqa-şaianǧa ainalyp ketken, azǧan ūrpaǧynyŋ bırı sol Burabai bauraiynda jür me eken?!.
Būlar tıptı, būdan 30 jyl būryn Täuelsızdık alǧanymyzdyŋ özın bıle me eken?!.
Bıraq, taŋǧalatyn eşnärse joq! Mūndai Mūzdybaevtar myŋdap sanalady!
Mıne, bızdıŋ 30 jylǧy Ūltsyzdyq ideologiiamyz!
Mıne, bızdıŋ Täuelsızdıktıŋ berık tıregı boluy tiıs Ūlttyq ideologiiadan 30 jyldan berı tük te ıstelmegenı!
Jiynda otyrǧannyŋ ışınde bır orys joq, Muzdybaevtan bastap bärı bır auyz qazaqşa qospai tek Resei tılınde söilep otyr! Mynau videony körgender būl bır Resei guberniiasynyŋ alys ormandy tükpırınde ötıp jatqan jiyn eken dep oilap qalatyny anyq… Tılderı orysşa bolǧanmen, türlerı ūqsamaǧasyn kımderge ūqsatatynyn kım bılsın…
Būl türlerımen būl ekı äkımnıŋ de Aqmola oblysy äkımı Ermek Marjyqpaevpen de, tıptı Prezidentpen de Resei tılınde söilesetını anyq!
Jalpy, mūndai Muzdybaevtar bızde älı künge myŋdap sanalatyny özek örter ökınıştı!
Aset Muzdybaevtyŋ (tölqūjatynda da, qai jerde de Äset Mūzdybai dep ömırı jazyp körmegenıne bäs tıgemın) būrynǧy “Nūr Otan”, qazırgı “Amanat” partiiasynyŋ müşesı ekenı, jai müşesı emes audandyq filialynyŋ töraǧasy ekenı aidan anyq.
Keşe ǧana partiia atyn “Amanat” degen kielı ūǧymdy bıldıretın atauǧa auystyryp tūryp, QR Prezidentı Qasym-Jomart Toqaev: “Bız "Amanat" degen atauǧa toqtadyq. "Amanat" qazaq tılınen audarǧanda babalar ösietı, ūrpaqqa amanat degen maǧynany bıldıredı. Sondyqtan partiianyŋ "Amanat" dep ataluyn resmi türde qoldaimyn. Memlekettılık, dästür jalǧastyǧy, ūrpaq sabaqtastyǧy degenımız, mıne, osy. Halqymyz eşqaşan amanatqa qiianat jasamaǧan. Partiia būl qaǧidatty berık ūstanady», –dep mälımdegen edı.
Al Qazaqtyŋ aty aŋyzǧa ainalǧan naǧyz batyrlarynyŋ atyn kasterleu - Babalar Amanaty!
Erekşe Erlerımızdıŋ esımderın qadırleu - El Amanaty!
Ūlttyq müddemızdı qorǧap, Ūlylarymyzdy ūlyqtau - Ūlt Amanaty!
Endeşe, Aqmola oblysy Burabai audany äkımı Aset Muzdybaev öz partiiasy atyn alyp otyrǧan Ūlt Amanatyn tabanǧa taptap, qazaqty qyzyl qanǧa batyrǧan qyzyl imperiia partiiasynyŋ atyn saqtap qalyp otyrǧan joq pa?!.
Iаǧni, Amanatqa qiianat jasap otyrǧan mūndai myŋdaǧan Mūzdybaev siiaqty äkımderden qūtylmai qaidaǧy jaŋaru, qaidaǧy “Jaŋa Qazaqstan”, qadırlı Prezident Qasym-Jomart Kemelūly!
Qazybek İSA, QR Parlamentı Mäjılısı deputaty
