Almatyda äuesqoilar arasynda būqaralyq sipattaǧy qaiyrymdylyq sport şarasy ötude. Būl şara osymen jetınşı ret ötkızılıp otyr.
«2018 jyly aldymyzǧa üş qaiyrymdylyq maqsat qoiylǧan. Būl - «Men senımen bırgemın» onkologiialyq auruy bar balalarǧa arnalǧan alǧaşqy hospis. Mūnda auyr nauqasqa şaldyqqan balalar medisinalyq kütımge alynyp, tuystarynyŋ janynda ruhani jäne psihologiialyq kömekke qol jetkızedı. Sonymen qatar ekı bırdei arnaiy (korreksiialyq) mekeme, intellektualdyq kemıstıkterı bar balalarǧa arnalǧan mektep-internat pen Esık qalasyndaǧy közı naşar balalarǧa arnalǧan №6 mektep-internat. Alǧaşqy jinalǧan jarnalyq qarjyǧa sport alaŋdary salynady», - dedı «Almaty marafonnyŋ» direktory Saltanat Qazybaeva.
Biylǧy marafonnyŋ jülde qory 1,9 mln teŋge. Qaşyqtyqty aiaqtaǧan barlyq qatysuşylarǧa medal tapsyrylady. Al alys qaşyqtyqtyŋ jeŋımpazdary medal men qatar aqşalai syilyqqa ie bolady.
Marafonǧa bailanysty bırqatar köşelerdegı qozǧalys uaqytşa toqtatyldy, köşelerdegı qozǧalys saǧat 14:30-da qalpyna keledı.
QazAqparat agenttıgı
