Qazaqstan jýrnalıster odaǵy men «Ádil sóz» sóz bostandyǵyn qorǵaý qory Ýkraına-Reseı máselesine qatysty eldegi BAQ ókilderi men bolgerlerge qarata málimdeme jasady, dep habarlaıdy "Adyrna" tilshisi.
«Reseı-Ýkraına shıelenisi qazir búkil álemde talqylanyp jatyr. Ol Qazaqstandaǵy áleýmettik jelide de qatty belsendilik týǵyzdy. Azamattar, birinshi kezekte jýrnalıster Konstıtýııamyzda kepildik berilgen sóz bostandyǵyn tolyq kólemde paıdalanyp, oılaryn erkin jetkizip jatyr. Biraq kóbi óz paıymdaryn qorǵaý kezinde qan qyzýymen shekten asyp ketýde. Al ondaı shek bitken jerde jek kórý tili bastalady», - dep jazylǵan Qazaqstan jýrnalıster odaǵynyń resmı saıtyna jarııalanǵan málimdemede.
Málimdeme avtorlary búgingideı jaǵdaıda aqparat taratýdyń halyqaralyq standarttary bar ekenin eske salady.
«Esterińizge salamyz: halyqaralyq standarttar, atap aıtqanda, ulttyq, násildik nemese dinı óshpendilikti nasıhattaýǵa tyıym salý jónindegi Rabattyq is-qımyl jospary «jekkórýshilik» pen «dushpandyqty» maqsatty topqa qatysty aıyptaýdyń, dushpandyqtyń jáne narazylyqtyń tereń jáne ırraıonaldy sezimderdiń kórinisi retinde qarastyrady. Iaǵnı, siz kez kelgen áreketti nemese áreketsizdikti jek kóre alasyz, biraq siz azamattyǵyna, ultyna, dinine baılanysty, ultty, dinı nemese basqa adamdar tobyn jek kóre almaısyz.
Kimdi bolsa da, ásirese, buqaralyq aqparat quraldarynda jáne áleýmettik jelilerde ashyq jek kórý – qalaı desek te, janama bálkim shamaly mósherde bolatyn shyǵar, bári bir qarsy nasıhat. Osy sózim arqyly adamdardy nege shaqyryp turmyn? Munyń arty is júzinde nege ákelýi múmkin? Óz pikirińizdi bildire otyryp, aldymen osy jaǵyn oılaný kerek», - delingen málimdemede.
Málimdemeniń túıini kez kelgen pikirtalas jalpy ádep normalarynan alys ketpeýi kerek degenge saıady.
«Biz kez kelgen ótkir máseleni sózjarys, pikirtalas arqyly ashyq taldaýdy qoldaımyz. Dáıekterge súıengen, eshkimdi qorlamaı, kemsitpeı, qorqytyp-úrkitpeı jáne agressııa tanytpaı daýlasýdy jóne dep bilemiz. Qoǵamdaǵy haos – sózdegi haostan, sózdegi haos – bastaǵy haostan bastalady. Ondaı tizbek kimge kerek?
Jýrnalıster men blogerlerdiń óz ustanymdaryn bildirgen kezde sózjarys mádenıetin, qarsylasqa degen qurmet pen qoǵam aldyndaǵy jaýapkershilikti este saqtaýy buryn-sońdy dál mundaı mańyzdy bolyp kórgen joq dep esepteımiz», - dep jazylǵan Qazaqstan jýrınalıster odaǵy men «Ádil sóz» qorynyń birlesken málimdemesi.
"Adyrna" ulttyq portaly
