«Qazaqstan» teleradıokorporaııasynda kadrlyq aýys-túıis boldy. Bul týraly teleradıokorporaııanyń baspasóz qyzmeti málimdedi.
«Búgin «Qazaqstan» teleradıokorporaııasy basshylyǵynyń sheshimimen jýrnalıst Maqpal Jumabaı «Qazaqstan» teleradıokorporaııasy Basqarma tóraıymynyń orynbasary qyzmetine taǵaıyndaldy.
Maqpal Jumabaı Korporaııada 13 jyldan beri qyzmet etip keledi. Qazaqstan telearnasynyń Tańǵy baǵdarlamalar birlestiginiń shef-redaktory, Balapan telearnasynyń shef-redaktory, prodıýseri mindetterin atqardy. 2018 jyldan búginge deıin Balapan telearnasynyń dırektory qyzmetin atqaryp keldi.
Balapan Telearnasynyń dırektory bolyp jýrnalıst, telejúrgizýshi Qymbat Dosjan taǵaıyndaldy. Qymbat Dosjannyń Qazaq televızııasynda 40 jylǵa jýyq ýaqyt tájirıbesi bar. «Qazaqstan» telearnasy Jańalyqtar qyzmetiniń prodıýser-júrgizýshisi, Qazaq radıosynyń júrgizýshisi, Qazaq radıosynyń Bas redaktory mindetterin atqardy. Qazirgi ýaqytta Qazaqstan telearnasyndaǵy «Qymbat jandar» avtorlyq áleýmettik baǵdarlamasynyń júrgizýshisi.
«Teleradıokorporaııa salada, onyń ishinde, Korporaııa quramyndaǵy tele jáne radıoarnalarda uzaq ýaqyttan beri qajyrly eńbek etip kele jatqan mamandarǵa únemi basymdyq beredi. Búgingi taǵaıyndaýlar da osy ustanym boıynsha júzege asyp otyr», – dedi Basqarma tóraıymy Lázzat Tanysbaı» delingen baspasóz habarlamasynda.
"Adyrna" ulttyq portaly
