Almaty oblysy Taldyqorǵan qalasyndaǵy №4 mektepte bolǵan oqıǵa týraly QR Bilim jáne ǵylym mınıstrligi pikir bildirdi, dep jazady "Adyrna" ulttyq portaly.
"11 naýryz kúni bıologııa sabaǵynda 2005 jyly týylǵan oqýshy muǵalimmen qatty daýyspen balaǵat sózder aıtyp sóılesken. Muǵalim Taldyqorǵan qalasynyń polıııa bólimine aryz jazǵan. Qazirgi tańda oqýshyǵa qatysty QR ÁQBtK-niń 434-babynyń 1-bóligi (usaq buzaqylyq) boıynsha ákimshilik hattama toltyryldy. Sheshimdi Almaty oblysynyń kámeletke tolmaǵandardyń isteri jónindegi mamandandyrylǵan aýdanaralyq soty qabyldaıdy.
Esterińizge sala keteıik, kámeletke tolmaǵan balalardyń is-áreketteri úshin ata-analardyń jaýapkershiligi qarastyrylǵan. Osy iske baılanysty oqýshynyń ata-anasyn jaýapkershilikke tartý úshin ákimshilik is qozǵaldy. Sonymen qatar belgilengen tártippen oqýshyny esepke qoıý jáne oǵan psıhologııalyq kómek kórsetý týraly másele de qaralady. Aıta keteıik, muǵalimderge degen mundaı kózqarasqa jol berilmeıdi. Tek muǵalimder ǵana emes, ata-analar da balalarmen qoǵamda ózin qalaı ustaý keregi týraly áńgimeler júrgizýi mańyzdy", - delingen mınıstrlik habarlamasynda.
"Adyrna" ulttyq portaly
