"Ukrainanyŋ Ūly Otan soǧysynyŋ 17-şı künı öttı. Reseilık basqynşylar ukraindyqtardy baǧyndyra almady jäne baǧyndyra almaidy da, būl bızdıŋ tabiǧatymyz ben mınezımızge qaişy". Būl turaly Zelenskii halyqqa arnaǧan jaŋa video ündeuınde habarlady. Ol Ukraina eşqaşan «L/DNR-ǧa» ainalmaitynyn, al Resei psevdorespublikalardyŋ analogyna ainalyp bara jatqanyn atap öttı, dep jazady "Adyrna" ūlttyq portaly.
Prezident basqynşylardyŋ Ukraina memleketın jaulap aluǧa küşı jetpeitının, öitkenı olar tek zorlyq-zombylyqqa, terrorǧa, qaru-jaraqqa süienetının basa aitty.
"Resei basşylyǧy şyn mänınde öz memleketın bükıl älemnen oqşaulanǧan ülken aimaqqa ainaldyryp otyr. Onda kedeilık ornaidy. Barlyǧy tek zorlyq-zombylyqpen anyqtalatyn bolady jäne ol jerden adamdar qoldarynan kelgenşe, şamalary jetkenşe qaşa bastaidy", - dep mälımdedı prezident.Onyŋ aituynşa, agressiiaǧa bailanysty qataŋ sanksiialarǧa ūşyraǧan el qazır aqyl-oidan, talanttan, aqşadan aiyrylyp jatyr. Sonymen qatar Zelenskii basqynşylardyŋ Herson oblysynda halyqtyŋ erkıne qarsy «DNR» men «LNR» analogyn jasauǧa tyrysatyny turaly aityp, jaumen yntymaqtasuǧa kelısetın jergılıktı deputattar şyǧatyn bolsa, olarǧa qarsy ükım şyǧatynyn basa aitty.
"Eger olardyŋ bıreuı kenetten basyp aluşylardyŋ ūsynystaryna azǧyrylsa... Sız özıŋız üşın ükımge qol qoiasyz. Ükım - Ukrainaǧa nelıkten qol sūǧylmau kerektıgın uaqytynda tüsıne almaǧan 12 myŋnan astam basqynşynyŋ soŋynan eru", – dedı Memleket basşysy.https://youtu.be/W_mDSff8Pz0
"Adyrna" ūlttyq portaly
