Bügın Almaty äuejaiynan Ukrainaǧa gumanitarlyq kömek jıberıldı

14 nauryzda taŋerteŋ Almaty äuejaiynan Ukrainaǧa gumanitarlyq kömek jıberıldı, dep habarlaidy "Adyrna" ūlttyq portaly Tengrinews.kz-ke sılteme jasap.  Qazaqstan Respublikasy Prezidentınıŋ tapsyrmasy boiynşa QR Densaulyq saqtau ministrlıgı Ukrainaǧa gumanitarlyq kömek daiyndady. QR Ükımetı janyndaǧy halyqaralyq gumanitarlyq kömek körsetu mäselelerı jönındegı komissiia Ukraina halqyna medisinalyq preparattar böldı. Gumanitarlyq jük salynǧan ūşaq Almaty-Katovise baǧytynda ūşady. Ol jerde Ukrainadaǧy Qazaqstan azamattary evakuasiialanǧan edı. Jük Air Astana kompaniiasynyŋ Boeing 767 ūşaǧyna tieldı. Äuejai qyzmetkerlerı avtomat jüktiegış kömegımen äuekemesınıŋ jük bölımıne ärqaisysynyŋ salmaǧy bırneşe tonna bolatyn tört konteinerdı 20 minut ışınde ornalastyrdy. Gumanitarlyq kömektıŋ jalpy salmaǧy 28,2 tonna bolady. Onda därı-därmektıŋ 17 türı bar: antibiotikter, qabynuǧa qarsy, jötelge qarsy jäne antigipertenziv preparattar. Jük 14, 15 nauryzda ekı reispen jıberıledı.

"Bügın jüktıŋ bır bölıgı jıberıledı. 31 pallet jıberıldı. Erteŋ qalǧanyn jıberemız. Gumanitarlyq kömekke arnalǧan preparattar halyqaralyq gumanitarlyq kömek mäselelerı jönındegı komissiia otyrysynyŋ hattamalary jäne densaulyq saqtau ministrlıgınıŋ ūsynystary boiynşa taŋdaldy. Ukraina tarapy qazır olarǧa qandai därı-därmekter qajet ekenın aitty. Barlyq preparat Qazaqstanda öndırılgen", - dedı "SK-Farmasiia" JŞS Almaty qalasy boiynşa ökıldıgınıŋ menedjerı Şolpan Ädılbekova.

Jük bırneşe kün ışınde jedel jinalǧany aityldy. Preparattar üşın arnaiy saqtau şarttary qajet emes, tek temperatura +15-ten +25 gradusqa deiın boluy kerek.

"Adyrna" ūlttyq portaly