Qazaqstan özınıŋ täuelsızdık jyldarynda mūndai qatygezdıkke alǧaş ret tap bolyp otyr. Būl turaly bügın Parlament Mäjılısınıŋ jalpy otyrysynda QR Bas prokurory Berık Asylov mälım ettı, dep habarlaidy "Adyrna" ūlttyq portaly.
Endı "Qasırettı qaŋtardyŋ" artqa qalǧan künderın mūqiiat saralap, tiianaqty baǧalauǧa bolady. Oqiǧalardyŋ hronologiiasynan bastaiyn. Mitingıler bastapqyda beibıt bolǧany özderıŋızge belgılı. Bırınşı qaŋtardan bastap batys öŋırlerınıŋ tūrǧyndary gaz baǧasyn tömendetudı talap ettı. Iаǧni eşqandai saiasat bolǧan joq, taza äleumettık-ekonomikalyq talaptar qoiyldy. Öŋırge jedel türde joldaǧan Ükımet komissiiasy gaz baǧasyna qatysty talaptardy qanaǧattandyrdy. Osyǧan qaramastan, Almaty, Şymkent jäne basqa öŋırlerde adamdar köşege şyqty. Solardyŋ jalpy sany ekı künde 50 myŋnan asty. Eŋ köbı Almatyda. Basynda jiyndar beibıt sipatta bolyp öttı. Alaida jaǧdaidyŋ baqylaudan tys şyǧuy qaterı saǧat saiyn arta bastady. Sondyqtan äkımder men deputattar halyqpen san ret kezdesıp, qoǧamdyq tärtıptı būzbaudy sūrady. Al prokurorlar jer-jerde narazylyq aksiialarynyŋ zaŋsyzdyǧyn jäne olarǧa qatysty qatysu üşın jauapkerşılıktı tüsındırdı, - dedı Bas prokuror.
"Adyrna" ūlttyq portaly
