Belgılı qazaqstandyq käsıpker jäne saiasatker Bolat Äbılov prezident Qasym-Jomart Toqaevtyŋ atyna mälımdeme jasady. Ol memleket basşysynyŋ 14 nauryzda saiasi reformalardyŋ jaŋa baǧdarlamasyn qabyldaitynyn aityp, jaŋa reformadan halyqtyŋ ülken ümıt kütıp otyrǧanyn aitty. Sonymen qatar ol tūŋǧyş prezident Nūrsūltan Nazarbaevqa qatysty "Elbasy" turaly zaŋdy tübegeilı joiudy sūrady, dep habarlaidy “Adyrna” ūlttyq portaly stan.kz-ke sılteme jasap.
"Qūrmettı Qasym-Jomart Kemelūly, men sızge bızdıŋ eldıŋ prezidentı retınde jäne 30 jyldai tanys bolǧan adam retınde qaiyrylyp tūrmyn", – dep bastady Äbılov öz mälımdemesın.Äbılovtıŋ aituynşa, ötırık pen ekıjüzdılıkke toly bolǧan otyz jyl artta qalǧan. Endıgı uaqytta Qazaqstan halqy bolaşaqqa tek jarqyn ümıtpen qaraidy deidı ol.
"Otyz jyl boiy bilık bır adamnyŋ qolyna ǧana şoǧyrlanyp keldı. Sol sebeptı mūndai bilıktı bır künde-aq qūlata salady. Būdan şyǧatyn qorytynda da tüsınıktı. Memlekettıŋ konstitusiiasy oiyna kelgenın jasaityn bır adamnyŋ ǧana paidasy üşın qyzmet qylmauy qajet. Qazaqstan halqy saiasi qudalaular men qara küştıŋ kömegımen qūrylǧan bilıkten äbden şarşady. Nätijesınde Nazarbaevtyŋ qūrǧan bilıgı Qazaqstandy ekonomikalyq jäne saiasi tyǧyryqqa tırep kettı", – dedı Äbılov.Qoǧam qairatkerı endı qantögıske jol bermeudıŋ qajet ekenın aitady. Būl rette ol Jaŋaözen men qaŋtar oqiǧalaryn eske alu kerek dep sanaidy.
"Elımızde bolǧan mūndai qyrǧyndarǧa endı jol beruge bolmaidy. Sol üşın tūŋǧyş prezident turaly zaŋdy alyp tastau qajet. Mūnymen qosa Nazarbaevty Elbasy märtebesınen aiyrudy dūrys dep sanaimyn", – dep qosty Äbılov.Ol Toqaevqa qarata söilegen sözınde, 16 nauryzda prezidenttıŋ tek halyqtyŋ aldynda ǧana emes, Alaşordany qūrǧan qazaq ziialylarynyŋ äruaqtarynyŋ aldynda söileitının eske saldy.
"Qazaq ziialylarynyŋ ünemı şyndyq üşın küresıp kelgenı jäne sol jolda adaldyqtan attap ketpegenı bızge ärqaşan şabyt syilauy qajet. Bız ūlt ūstazdarynyŋ atyn laiyqty saqtap qaluymyz kerek. Olar bızge "Oian, qazaq!" dep jyrlaǧan. Qaŋtar ūlttyq tragediiasy bızdıŋ közımızdı aşty. Bızge qazır naqty saiasi reforma qajet. "Bır adam jäne bır dauys" jäne būl – bızdıŋ bolaşaqqa degen kıltımız. Būl sözdı Nobel syilyǧynyŋ iegerı Nelson Mandela aitqan. Jäne ol būl sözın jüzege asyru üşın 30 jyl ömırın türmede ötkızdı. Bızdıŋ egemendıgımızge de osynşa jyl boldy", – dedı käsıpker.Äbılovtıŋ sözınşe, qazaqstandyqtar demokratiialyq jolmen qūrylǧan memlekette ömır süruge äbden qūqyly. Endı halyq taǧy otyz jyl kütkısı kelmeidı degen ol, özgerıstı bügınnen bastaudy ūsyndy.
"Qasym-Jomart Kemelūly, men sızdıŋ tarihqa Nazarbaevtyŋ avtoritarly jüiesın qūlatqan reformaşy retınde kırgenıŋızdı qalaimyn. Qazır sızdıŋ qabyldaityn ärbır şeşımıŋızden Qazaqstannyŋ bolaşaǧy anyqtalady. "Men qazaqpyn! Myŋ ölıp, myŋ tırılgen" degen Jūban Moldaǧalievtıŋ öleŋ şumaqtary ärbırımızdıŋ sanamyzda. Menıŋ armanym – aldaǧy uaqytta qatıgez kezeŋder endı qaitalanyp kelmese eken deimın. Men qazaqtyŋ altyn ǧasyry qazır ornasa eken dep tıleimın. Sözsız būrynǧy Alaş orda azamattarynyŋ da armany osy bolǧany anyq. Men qazaq retınde osy ūly armannyŋ oryndaluy üşın barymdy qūrban etuge daiarmyn", – dep sözın tüiındedı Bolat Äbılov.https://youtu.be/pZxgHYw0qA0
