Aqpan aıynda qymbat turatyn «Zolgensma» preparaty úshin mıllıard teńge jınaǵan tarazdyq qyz Erkin Aısezimniń ákesi balasynyń jaǵdaıynyń nasharlaǵanyn habarlady, - dep jazady "Adyrna" ulttyq portaly.
"Máskeýge kele salysymen biz Aıseısimniń jaǵdaıyn túsiný úshin kóptegen tekserýler júrgizdik. Júregin, asqazanyn tekserdik. Aısesimniń júreginde aqaý joq. Asqazanynda emdeýdi qajet etetin syzattar bar. Qazir olar emdelýde, bul ýaqytty alady.
Biraq eń bastysy - bastyń saraptamasy. Saraptama qorytyndysyna sáıkes, Aısesımniń júregi toqtap qalý kezinde basyndaǵy, bir fokýstaǵy júıke tininiń zaqymdalǵany anyqtaldy. Osy zaqymdanǵandyqtan basyna túsetin sıgnal ótpeıdi. Osyǵan baılanysty Aısezim áli esin jımady, áli kúlmeıdi. Kózqarasy durystalǵandaı, biraq árqashan emes. Ázirge ol Saltanatqa (qyzdyń anasy) tolyqtaı qarap turǵan joq. Talmasy bar. Bizdiń tarapymyzdan Aısezimniń jaǵdaıyn jaqsartý úshin qoldan kelgenniń bárin jasadyq dep úmittenemiz», - dep bólisti qyzdyń ákesi Saǵynysh Jaqsylyq Instagram jelisinde.
Aqpan aıynda omyrtqa bulshyqetiniń atrofııasy dertine shaldyqqan Aısezim otbasy qamqor qazaqtardyń arqasynda mıllıard teńgege jýyq qymbat turatyn Zolgensma dárisine aqsha jınaǵany belgili boldy.
Posmotret etý pýblıkaııý v Instagram
«Zolgensma» preparaty Qazaqstanda tirkelmegen, jergilikti bıliktiń sheshimimen tek onyń analogy «Spınraza» ǵana qoldanylady. Aıyrmashylyq mynada: Spınraza ómir boıy qoldanylýy qajet kútimdik dári sııaqty, al Zolgensma, SMA dıagnozy bar balalardyń ata-analary aıtqandaı, bir ret qoldaný jetkilikti jáne ol aýrýdy toqtatady.
"Adyrna" ulttyq portaly
