Nur-Sultan soty Qaırat Satybaldyulyn qamaýǵa alýǵa sankııa berdi, - dep habarlaıdy "Adyrna" saıty.
«2022 jyldyń 15 naýryzynda Nur-Sultan qalasynyń mamandandyrylǵan aýdanaralyq tergeý soty kúdikti Q. Satybaldyulyna qatysty 2 aı merzimge qamaýǵa alý túrindegi bultartpaý sharasyn sankııalady», - dedi sot.
Sotqa deıingi tergep-tekserýdiń basqa derekteri Qylmystyq is júrgizý kodeksiniń 201-babyna sáıkes jarııa etilýge jatpaıtyny atap ótilgen.
Buǵan deıin Sybaılas jemqorlyqqa qarsy qyzmettiń «Qazaqtelekom» AQ-nyń asa iri kólemdegi laýazymdyq ókilettikterin asyra paıdalaný jáne qarjysyn jymqyrý faktileri boıynsha qylmystyq isti tergep jatqany belgili bolǵan. Osy qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolıatoryna qamaldy.
Sybaılas jemqorlyqqa qarsy qyzmet tóraǵasy Oljas Bektenov Qaırat Satybaldyulynyń Almaty áýejaıynda ustalǵanyn, onyń Dýbaıǵa ushpaq bolǵanyn rastady.
"Adyrna" ulttyq portaly
