Qazaqstanda aldaǧy uaqytta bastauyş synyptarǧa «Robototehnika» oqu baǧdarlamasy engızılmek. Būl turaly Ortalyq kommunikasiialar qyzmetınde ötken baspasöz mäslihaty barysynda QR Premer-Ministrınıŋ orynbasary Asqar Jūmaǧaliev mälım ettı.
«Memleket basşysynyŋ «Sifrlyq Qazaqstan» baǧdarlamasy aiasyndaǧy maŋyzdy baǧyttardyŋ bırı - adami kapitaldy damytu bolyp tabylady. Daiarlyqtan ötken adam bolmasa, atalǧan baǧdarlamany jüzege asyru bızge qiynǧa tüserı anyq. Bız orta jäne joǧary oqu oryndarynyŋ bılım baǧdarlamasyn qaita qaraudy josparlap otyrmyz. Bastauyş synyptarǧa «Baǧdarlamalau negızderı» men «Robototehnika» oqu baǧdarlamalary engızıletın bolady. Baǧdarlamalau tılderı de qaita qaralyp, jaŋa (Java, Python, Rust jäne t.b) türlerıne auystyrylady», - dedı A.Jūmaǧaliev.
Onyŋ aituynşa, öndırıstıŋ Data Science, Enterprise Architecture jäne özge de qajettı jaŋa baǧyttary boiynşa joǧary bılımdı mamandar daiarlanbaq.
Asqar Jūmaǧaliev bılımnıŋ barlyq deŋgeiınde qūjattyŋ qaǧaz ainalymyn qysqartyp, elektrondy formatta qyzmetter men servisterdı körsetuge köşu jūmysy jürgızılıp jatqanyn aitty.
Sonymen bırge, ol sifrlandyru qarapaiym qazaqstandyqqa qandai paida äkeletının tılge tiek ettı.
«Bılım salasyndaǧy sifrlandyru eŋ bırınşı kezekte bükılälemdık ozyq ılımge internet arqyly qol jetkızuge mümkındık beredı - ol degenıŋız elektrondyq oqulyqtardy qoldanu jäne sol sekıldı özge de mümkındıkter. Şymkentte bız pilottyq joba retınde oquşylardyŋ sabaqqa keluın nazarǧa aldyq. Sifrlandyrudyŋ arqasynda, iaǧni oquşynyŋ ata-anasyna onyŋ balasy mektepke kelgen-kelmegenı turaly habarlama taratu arqyly, bız oquşylardyŋ mektepke keluın ekı esege arttyruǧa mümkındık aldyq. Şymkentte oquşylardyŋ sabaqtan qaludyŋ 22 myŋ oqiǧasy tırkelgen edı, ony qazırgı taŋda 2 myŋǧa deiın qysqarttyq. Osynyŋ arqasynda ülgerımdılık 10 paiyzǧa artty», - deidı Asqar Jūmaǧaliev.
_______________________________________________________________________________________________________________________________ inform.kz
Ūqsas jaŋalyqtar
