Ejiktep oqıtyn muǵalim mektepke qalaı ornalasty?

3518
Adyrna.kz Telegram

Túrkistan oblysyndaǵy mektepte ejiktep oqıtyn muǵalimniń jumysqa qalaı ornalasqany belgili boldy, - dep habarlaıdy Tengrinews.kz.

2019 jyly 19 naýryzda mektepte jumys.snation.kz bos jumys oryndary bazasyna orys tili jáne ádebıeti pánine bos oryn jarııalanǵan. Al tirkelý merzimi 2019 jyldyń 4 sáýirde aıaqtalǵan. Osy merzim aralyǵynda bos jumys ornyna ornalasýǵa 1 úmitker - Týrsynbaeva Sıtora Ýktambaevna tirkelgen. Artynsha ol 2019 jyldyń 1 sáýirinde bos jumys ornyna test tapsyrý úshin tirkelgen.

Bos jumys ornyna ornalasý úshin birinshi kezeń testileýge 2019 jyldyń 17 sáýirinde qatysqan. Birinshi kezeńnen 53 balmen ótken, shektik ball 50 ball bolǵan. Konkýrstyń ekinshi kezeńine 22 sáýirde qatysyp, komıssııa qorytyndysy boıynsha 18 ball jınap, bos jumys ornyna usynylǵan.

Muǵalim mektepke Qazaqstan Respýblıkasynyń Eńbek kodeksiniń 34-babyna sáıkes 02.05.2019 jyly qabyldanǵan. Orys tili jáne ádebıet pániniń muǵalimi Týrsynbaeva Sıtora Ýktambaevna 1992 jyly 11 aqpanda Saryaǵash aýdany, Yntymaq eldi mekeninde dúnıege kelgen. Ulty - tájik. Qazaqstan Respýblıkasynyń azamaty.

Ońtústik Qazaqstan pedagogıkalyq ýnıversıtetinde orys tili jáne ádebıeti mamandyǵy boıynsha bilim alyp, 2018 jyly atalǵan oqý ornyn aıaqtaǵan.

Eske salaıyq, keshe Saryaǵash aýdanyndaǵy mektepterdiń birinde orys tilin pándi meńgermegen, sonymen qatar ejiktep oqıtyn muǵalim oqytatyny belgili boldy. Bul týraly "Otyrar" telekompanııasynyń sıýjetinde aıtylǵan.

Tilshilerdiń málimetinshe, muǵalim Yntymaq aýylyndaǵy mektepte orys tili páninen 1 naýryzǵa deıin sabaq berip, keıin júktiligine baılanysty demalysqa shyqqan.

Pikirler