Türkıstan oblysynyŋ Şardara audanyndaǧy 5 jyl būryn salynǧan mektep qauıptı jaǧdaida tūr. Ondai jerde oqu qauıptı bolǧandyqtan bırneşe synyp jabyldy. Öitkenı, qabyrǧalary qūlap ketuı mümkın, dep habarlaidy “Adyrna” ūlttyq portaly.
Otyrar.kz saitynyŋ habarlauynşa, merdıger kompaniia kepıldık merzımınıŋ aiaqtaluyn syltauratyp, kemşılıkterdı joiudan bas tartyp otyr.
250 oryndyq mektep Şardara qalasynyŋ ırgesındegı Öteǧūlūly auylynda ornalasqan. Ol 5 jyl būryn ǧana salynyp, paidalanuǧa berılgen, bıraq qazır mūnda oqu kün saiyn qauıptı bolyp barady. Mektep ashanasynyŋ qabyrǧalary qisaiyp, qūlaudyŋ aldynda tūr. Mekteptıŋ būl jaq bölıgın oqu ornynyŋ basşylyǧy jabuǧa mäjbür bolyp otyr.
Kezınde nysan keşıktırılıp paidalanuǧa berılgen: qūrylys barysynda köptegen kemşılıkter anyqtalyp, olardy joiu qajet boldy. Bır jyldan keiın mektep paidalanuǧa berıldı, bıraq az ǧana uaqyttan keiın qabyrǧalarynda tereŋ jaryqtar paida bola bastady.
«Myna qabyrǧa qisaiyp otyryp qaldy. Ol qūlap qala ma dep qoryqtyq. Būl öte qauıptı. Sondyqtan özımız qūlaiyn dep tūrǧan qabyrǧany taqtaişalarmen tıregen boldyq. Endı ony sürmekşımız. Al merdıger tıptı kelgen de joq», – dep tüsındırdı mektep direktorynyŋ orynbasary Nūrjamal Ädılova.Keiıngı kezde mektepke oquşylardyŋ ata-analary jiı keletın boldy. Olar mūndai jaǧdaida balalar bılımnıŋ ornyna jaraqat aluy äbden mümkın dep qorqady.
«Balalarym osy mektepte oqidy. Besınşı balam da oqiyn dep otyr. Ary qarai qalai bolaryna uaiymdap otyrmyn. Eger olar joǧarǧy qabatqa köterılgen kezde qabyrǧasy kenetten opyrylyp qūlaityn bolsa ne bolady? Elestetudıŋ özı qorqynyşty», – dedı qala tūrǧyny Zoia Esbosynova.Jaryqtar basqa qabyrǧalarda da paida bola bastady. Mektep direktory nysandy qabyldaǧan qūrylys bölımıne de, oblys basşylyǧyna da aryzdanǧanymen, nätije joq. Aǧymdaǧy jöndeu jūmystaryna biudjetten bölıngen qarjyǧa mūǧalımder osy qabyrǧalardy jamap-jasqauǧa mäjbür.
«2017 jyly salynǧan mektep tek būl ǧana emes, Ordabasy audanynda da mektepter salyndy. Ökınışke qarai, mūndai mektep Sairam audanynda, Maqtaaral, Jetısai audandarynda da bar. Būl mektepterdı jöndeuge bızden aqşa sūraidy, bıraq olar Jetısaidyŋ özınde üşeu bolsa, Saryaǧaş pen Qazyǧūrtta taǧy bır-bıreuden osyndai mektepter bar», – dedı. Oblystyq adami äleuettı damytu basqarmasynyŋ basşysy Dınislam Bolathanūly.Būǧan qosa basqarma josyqsyz qūrylysşylardyŋ tızımın jasap, ony qūqyq qorǧau organdaryna berudı josparlap otyrǧandaryn aitty. Oblystyq bılım basqarmasy nysandardy qabyldaǧandar da jazalanuǧa tiıs dep esepteidı. Degenmen būl qūrylysşylardyŋ qatelıkterın öz betımen joiuǧa mäjbür bolǧan mūǧalımderge eş kömektespeidı.
“Adyrna” ūlttyq portaly
Ūqsas jaŋalyqtar
