Google kompaniiasynyŋ bılım baǧdarlamasy Oqu-aǧartu ministrlıgınıŋ qoldauymen jüzege asyrylady.
Qazaqstanda Google for Education ekojüiesın engızu boiynşa pilottyq joba bastaldy. Jobanyŋ ıske asyryluy Bılım beru salasyn tūraqty damytu qory men Google kompaniiasy arasyndaǧy kelısımnıŋ arqasynda mümkın bolyp otyr. QR Oqu-aǧartu ministrlıgı jobaǧa qoldau körsetedı.
Jobanyŋ alǧaşqy kezeŋınde elımızdıŋ 16 aimaǧynan 20 auyl mektebı ekojüiege qosylady. Al olardyŋ beseuı aldaǧy 3 jylda Google Reference School märtebesın alady. Google Reference School – oqu keŋestıkterınıŋ sifrlyq transformiiasynyŋ halyqaralyq standarty.
Jobaǧa qatysatyn är synyp Google for Education platformasyna qol jetkıze alady. Platforma kelesı mümkındıkterdı beredı:
• Google Classroom, tapsyrmalar, oqu prosesın ūiymdastyruǧa arnalǧan tehnologiialar;
• BigQuery jäne Looker Studio analitikalyq jüielerı;
• Gemini AI - tapsyrmalardy jasau jäne mätındı tekseruge baǧyttalǧan jasandy intellekt;
• Oqu nätijesın arttyru üşın qūjattarǧa, kestelerge, saittarǧa, beinelerge, AppSheet-ke jäne basqa qūraldar.
Joba aiasynda 200-den astam mūǧalım oqytudan ötıp, Google Educator halyqaralyq märtebesıne ie bolady:
«Google for Education ūstazdardy almastyrmaidy. Ol oqu prosesın avtomattandyruǧa kömektesedı, oqu kontentın qūru prosesın jeŋıldetedı, tapsyrmalardy daiyndau men tekseruge uaqytty ünemdeidı, oqytudy jekelendıredı jäne bılım beru prosesınıŋ barlyq qatysuşylarynyŋ sifrlyq qūzyretterın keŋeitedı,» - dep atap öttı Bılım beru salasyn tūraqty damytu qory ökılderı.
Örel auylyndaǧy orta mektep – Google platformasyna tolyqqandy qosylatyn alǧaşqy mektep. AITAS holdingınıŋ demeuşılıgımen mektep arnaiy derbes Chromebook formatyndaǧy noutbukterımen jabdyqtalyp, Google Workspace-ke qol jetkızedı. Jergılıktı atqaruşy organdar İnternetke tūraqty qosyludy qamtamasyz etedı.
Aita keteiık, bügınde älemde 50 millionnan astam oquşylar men oqytuşylar Chromebook-tı bılım beru mazmūnyn qūru, bırlesıp jūmys ısteu jäne bailanys ornatu üşın paidalanady. 2021 jyly Chromebook bastauyş jäne orta mekteptegı üzdık oqu qūraly retınde tanyldy.
Atalmyş baǧdarlama Bılım beru salasyn tūraqty damytu qorynyŋ strategiialyq maqsattarynyŋ bırı – auyl men qala oquşylary arasyndaǧy bılım deŋgeiındegı aiyrmaşylyqty azaitu baǧytyndaǧy maŋyzdy joba bolady.
