Qaraǧandy oblysynda 13 jaŋa mektep salyndy. Onyŋ 10-y «Keleşek mektepterı» ūlttyq jobasy aiasynda boi köterdı.
Jaŋa oqu oryndary oquşylar sanynyŋ artuy eskerılıp, qosymşa bılım beru oryndaryna degen qajettılıktı öteuge baǧyttalǧan. Mektep infraqūrylymyn damytu mäselelerı Qaraǧandyda ötken «Jaŋa Halyq Konstitusiiasynyŋ normalary men qūndylyqtary: adami kapitaldy damytu – bılım beru jüiesınıŋ strategiialyq negızı» atty tamyz konferensiiasynda talqylandy.
Konferensiia jūmysyna Qazaqstan Respublikasy Oqu-aǧartu ministrlıgınıŋ, öŋırlık bılım basqarmasynyŋ, Qazaqstan Respublikasy Konstitusiialyq Sotynyŋ, memlekettık organdar men ükımettık emes ūiymdardyŋ ökılderı qatysuda. Konferensiia jūmysyna oflain jäne onlain formatta barlyǧy 10 myŋnan astam adam qosyldy.
– Memleket basşysy atap ötkendei, «sapaly bılım – älemdegı ozyq, örkeniettı ärı bäsekege qabılettı el boludyŋ kepılı». Osy tūrǧydan alǧanda, adami kapitaldy damytu memlekettıŋ basty basymdyqtarynyŋ bırı retınde aiqyndalǧan Konstitusiianyŋ jaŋa normalaryna nazar audaruymyz qajet. Oblys biudjetınıŋ şamamen jartysy bılım beru salasyna baǧyttalady. Būl jai ǧana şyǧyn emes, bolaşaqqa salynǧan investisiia. Bızdıŋ mındetımız – öŋırdıŋ ösıp kele jatqan qajettılıkterıne jauap beretın zamanaui bılım beru infraqūrylymyn qalyptastyru. Oquşylar sanynyŋ artuyna qaramastan, bılım beru ūiymdaryna tüsetın jüktemenı kezeŋ-kezeŋımen azaityp kelemız, – dedı tamyz keŋesın aşqan Qaraǧandy oblysynyŋ äkımı Ermaǧanbet Bölekpaev.
Biyl bılım berudıŋ 200-ge juyq nysanyn jöndeuge 15 mlrd teŋgeden astam qarjy bölındı. Oblys äkımınıŋ aituynşa, būl qarajat bılım beru ortasynyŋ sapasy men qauıpsızdıgın arttyruǧa baǧyttaluy tiıs.
Öŋırde mektepterdıŋ materialdyq-tehnikalyq bazasyn nyǧaitu jūmystary da jalǧasuda. Oqu kabinetterı robototehnika, STEM, himiia jäne fizika baǧyttaryna arnalǧan zamanaui jabdyqtarmen jaraqtandyryluda. Auyldardaǧy tırek jäne magnittık mektepterge erekşe köŋıl bölınedı. Negızgı maqsat – auyl balalarynyŋ qaladaǧy qūrdastarymen bırdei bastapqy mümkındıkterge ie boluyn qamtamasyz etu.
Daryndy balalarǧa arnalǧan mamandandyrylǧan mektepter jelısın damytu da bılım beru saiasatynyŋ maŋyzdy baǧyttarynyŋ bırı bolyp otyr.
«Adal azamat» tūjyrymdamasy aiasyndaǧy tärbie jūmysy da bılım beru saiasatynyŋ ajyramas bölıgı retınde jalǧasuda. Bılım beru ūiymdarynda balalardyŋ qauıpsızdıgın qamtamasyz etuge, qūqyqtyq sauattylyǧyn arttyruǧa, bulling pen autodestruktivtı mınez-qūlyqtyŋ aldyn aluǧa baǧyttalǧan jūmystar küşeitıldı. Onyŋ nätijesınde jasöspırımder arasyndaǧy qūqyq būzuşylyq deŋgeiı negızgı körsetkışterdıŋ barlyǧy boiynşa tömendedı.
Qazaqstan Respublikasynyŋ jaŋa Konstitusiiasyn qabyldau eldıŋ damuyndaǧy maŋyzdy kezeŋderdıŋ bırıne ainalyp, qūqyqtyq mädeniettı qalyptastyru men öskeleŋ ūrpaqty tärbieleudıŋ jaŋa baǧyttaryn aiqyndady. Negızgı zaŋda balanyŋ qūqyqtary men zaŋdy müddelerın qorǧauǧa airyqşa basymdyq berılgen.
– Bala konstitusiialyq qūndylyqtardyŋ eŋ maŋyzdylarynyŋ bırı retınde tanylady. Onyŋ qūqyqtary men müddelerın qorǧau – bükıl memlekettıŋ ortaq mındetı. Memleket kez kelgen şeşımdı qabyldaǧanda balanyŋ müddesın basşylyqqa aluy qajet. Sondyqtan balanyŋ öz qūqyqtaryn ǧana bılıp qoimai, mındetterı men jauapkerşılıgın de tüsınuı, sondai-aq qūqyqtary men bostandyqtary būzylǧan jaǧdaida qaida jäne qalai jügınu kerektıgın bıluı asa maŋyzdy, – dedı Qazaqstan Respublikasy Konstitusiialyq Sotynyŋ sudiasy Aijan Jatqanbaeva.
Sonymen qatar oquşylardyŋ kıtap oquǧa degen qyzyǧuşylyǧyn arttyruǧa jäne bılımge ūmtylysyn qalyptastyruǧa airyqşa män berılude.
Ötken jyldan bastap oblys äkımınıŋ tapsyrmasyna säikes pedagog kadrlardyŋ rezervın qalyptastyru jūmystary jürgızılıp keledı.
Dästür boiynşa tamyz konferensiiasynda bılım beru salasyna eleulı üles qosqan üzdık pedagogter vedomstvolyq nagradalarmen jäne tösbelgılermen marapattaldy.
Ūzaq jylǧy eŋbegı men bılım beru salasyn damytuǧa qosqan ülesı üşın Osakarov audanyndaǧy Abai atyndaǧy tırek mektebınıŋ (resurstyq ortalyq) mūǧalımı Elena Vasilevna Prisiajniuk «Ybyrai Altynsarin» medalımen marapattaldy.
– Eŋbegımnıŋ elenıp, laiyqty baǧalanǧany quantady. Men 38 jyldan berı orys tılı men ädebietı pänınen sabaq berıp kelemın. Jūmysta qajyp ketpeu üşın, eŋ aldymen, öz mamandyǧyŋdy jäne balalardy jaqsy köru kerek şyǧar. Sonymen qatar ünemı öz bılımıŋdı jetıldırıp otyru qajet. Adam ärdaiym damuǧa ūmtyluy tiıs, – dep öz oiymen bölıstı Elena Vasilevna.
Konferensiia ötıp jatqan akademik E. A. Böketov atyndaǧy Qaraǧandy universitetınıŋ bas korpusyndaǧy hollda innovasiialyq bılım beru jobalarynyŋ körmesı ūiymdastyryldy. Körme ekspozisiiasyna zamanaui sifrlyq jäne IT äzırlemeler, mektepke deiıngı, orta, tehnikalyq jäne käsıptık bılım beru ūiymdarynyŋ innovasiialyq jobalary, sondai-aq inkliuzivtı bılım beru men tärbie jūmysyna arnalǧan ozyq şeşımder ūsynyldy.
