Qaraǧandyda «Qūqyqtyq därıhana» aksiiasy öttı

483
Adyrna.kz Telegram
https://www.adyrna.kz/storage/uploads/xZPohRrK60WOCrJmY1SkyELfNRPogJGzUEeCEcyD.jpg

«Qūqyqtyq tärtıp özımnen bastalady» aksiiasy aiasynda Qaraǧandy qalasy äkımdıgınıŋ qoldauymen qalanyŋ sauda nysandarynda halyqtyŋ qūqyqtyq sauattylyǧyn arttyruǧa, azamattardyŋ qūqyqtaryn qorǧauǧa, qūqyq būzuşylyqtar men internet-alaiaqtyqtyŋ aldyn aluǧa baǧyttalǧan «Qūqyqtyq därıhana» profilaktikalyq ıs-şarasy öttı.

Is-şara qalanyŋ ekı alaŋynda: «Tair» sauda üiı men «Global» sauda ortalyǧynda ūiymdastyryldy.

Aksiia barysynda 150-den astam adam tegın zaŋgerlık keŋes aldy. Qala tūrǧyndary men qonaqtaryna özektı qūqyqtyq mäseleler, öz qūqyqtaryn qorǧau joldary, alaiaqtyq äreketterdıŋ aldyn alu jäne Qazaqstan Respublikasynyŋ zaŋnamasyn saqtau boiynşa tüsındırmeler berıldı.

İnternet-alaiaqtyqtyŋ aldyn aluǧa, azamattardyŋ qūqyqtyq habardarlyǧyn arttyruǧa jäne zaŋ talaptaryn saqtauǧa jauapkerşılıkpen qarau mädenietın qalyptastyruǧa erekşe nazar audaryldy.


Osyndai ıs-şaralardy ötkızu halyqtyŋ qūqyqtyq mädenietın arttyruǧa, azamattardyŋ qūqyqtyq sanasyn nyǧaituǧa jäne «Zaŋ men tärtıp» qaǧidatyn ılgerıletuge yqpal etedı.

Pıkırler