2026 jylǧy 9 şıldede «Zaŋ men tärtıp» qaǧidatyn nasihattau aiasynda Qaraǧandy oblysy boiynşa Ekonomikalyq tergep-tekseru departamentınde «Jasyl El» jastar eŋbek jasaǧynyŋ sarbazdary üşın Aşyq esık künı öttı.
«Qarjylyq qauıpsızdık pen ekonomikalyq sauattylyq – zaŋǧa baǧynatyn qoǧamnyŋ negızı» taqyrybynda ūiymdastyrylǧan ıs-şaraǧa 100-ge juyq jas qatysty.
Is-şara barysynda qatysuşylar Departamenttıŋ negızgı qyzmet baǧyttarymen tanysyp, qūrylymdyq bölımşelerge ekskursiia jasap, interaktivtı alaŋdar jūmysyna qatysyp, qyzmetkerlermen aşyq formatta pıkır almasty. Qarjylyq alaiaqtyqtyŋ aldyn alu, qūqyqtyq jäne qarjylyq sauattylyqty arttyru, sondai-aq sifrlyq ortada qauıpsız äreket etu daǧdylaryn qalyptastyru mäselelerıne erekşe nazar audaryldy.
Osyndai ıs-şaralardy ötkızu Ekonomikalyq tergep-tekseru departamentınıŋ aşyqtyq qaǧidatyn ūstanatynyn jäne jastarmen tiımdı özara ıs-qimyl jasauǧa basymdyq beretının körsetedı. Departament tūraqty türde jastardyŋ qūqyqtyq jäne qarjylyq mädenietın arttyruǧa, zaŋǧa qūrmetpen qarau qūndylyqtaryn qalyptastyruǧa, sondai-aq qarjylyq qauıpsızdık mäselelerı boiynşa olardyŋ aqparattyq sauattylyǧyn nyǧaituǧa baǧyttalǧan tüsındıru jūmystaryn jürgızıp keledı. Qoǧamnyŋ senımın arttyru jäne jastardy qarjylyq qauıpsızdık mädenietın qalyptastyruǧa tartu Departament qyzmetınıŋ maŋyzdy baǧyttarynyŋ bırı bolyp qala beredı.
