2026 جىلعى 9 شىلدەدە «زاڭ مەن ءتارتىپ» قاعيداتىن ناسيحاتتاۋ اياسىندا قاراعاندى وبلىسى بويىنشا ەكونوميكالىق تەرگەپ-تەكسەرۋ دەپارتامەنتىندە «جاسىل ەل» جاستار ەڭبەك جاساعىنىڭ ساربازدارى ءۇشىن اشىق ەسىك كۇنى ءوتتى.
«قارجىلىق قاۋىپسىزدىك پەن ەكونوميكالىق ساۋاتتىلىق – زاڭعا باعىناتىن قوعامنىڭ نەگىزى» تاقىرىبىندا ۇيىمداستىرىلعان ءىس-شاراعا 100-گە جۋىق جاس قاتىستى.
ءىس-شارا بارىسىندا قاتىسۋشىلار دەپارتامەنتتىڭ نەگىزگى قىزمەت باعىتتارىمەن تانىسىپ، قۇرىلىمدىق بولىمشەلەرگە ەكسكۋرسيا جاساپ، ينتەراكتيۆتى الاڭدار جۇمىسىنا قاتىسىپ، قىزمەتكەرلەرمەن اشىق فورماتتا پىكىر الماستى. قارجىلىق الاياقتىقتىڭ الدىن الۋ، قۇقىقتىق جانە قارجىلىق ساۋاتتىلىقتى ارتتىرۋ، سونداي-اق تسيفرلىق ورتادا قاۋىپسىز ارەكەت ەتۋ داعدىلارىن قالىپتاستىرۋ ماسەلەلەرىنە ەرەكشە نازار اۋدارىلدى.
وسىنداي ءىس-شارالاردى وتكىزۋ ەكونوميكالىق تەرگەپ-تەكسەرۋ دەپارتامەنتىنىڭ اشىقتىق قاعيداتىن ۇستاناتىنىن جانە جاستارمەن ءتيىمدى ءوزارا ءىس-قيمىل جاساۋعا باسىمدىق بەرەتىنىن كورسەتەدى. دەپارتامەنت تۇراقتى تۇردە جاستاردىڭ قۇقىقتىق جانە قارجىلىق مادەنيەتىن ارتتىرۋعا، زاڭعا قۇرمەتپەن قاراۋ قۇندىلىقتارىن قالىپتاستىرۋعا، سونداي-اق قارجىلىق قاۋىپسىزدىك ماسەلەلەرى بويىنشا ولاردىڭ اقپاراتتىق ساۋاتتىلىعىن نىعايتۋعا باعىتتالعان ءتۇسىندىرۋ جۇمىستارىن جۇرگىزىپ كەلەدى. قوعامنىڭ سەنىمىن ارتتىرۋ جانە جاستاردى قارجىلىق قاۋىپسىزدىك مادەنيەتىن قالىپتاستىرۋعا تارتۋ دەپارتامەنت قىزمەتىنىڭ ماڭىزدى باعىتتارىنىڭ ءبىرى بولىپ قالا بەرەدى.
