Oqýshylar kovıdten kóz jumyp jatyr ma?

2622
Adyrna.kz Telegram

Facebook áleýmettik jelisinde kesh qyzylordalyq belsendi azamat Úıtolǵan Jareke 4 synyp oqýshysy kovıdten qaıtys bolǵany týraly jazba qaldyrdy. Bul týraly «Adyrna» ulttyq portaly avtordyń jazbasyna silteme jasap habarlaıdy.

«Qalamyzdaǵy №8 mekteptiń 4 synyp oqýshysy búgin tańda qaıtys bolypty. Pnevmonııamen aýrýhanaǵa túsken eken. Allam ata-anasyna sabyr bersin. №5 mektep oqýshysy da kovıdpen aýyryp jatyr degen aqparat bar.

Osy kezekshi synyp degenderdi ata-ana mazany alǵasyn ashty dep oılaımyn. Odan qaldy oflaındaǵy balanyń bárin jeke mektep, oqý ortalyqtaryna berip qoıdyq. Jazdaǵy jaǵdaıdy tez umytyp kettik. Oqý da, úlgerim de balanyń amandyǵynan artyq emes. Barlyq mektepter, tipti jeke mektepter de onlaınǵa aýystyrylsyn. Máseleni ýshyqtyryp alyp opynyp otyrmaıyq.

Ata-analar, balalardy kezekshi synypqa da jibermeńizder» dep jazdy Úıtolǵan Jareke. Bul jazbaǵa qatysty pikir bildirgen ata-analar balasyn mektepke jibermeýdi aıtyp, kezekshi synyptardy jabýdy surap jatyr. Alaıda ázirge jaýapty mekemelerden atalǵan jaǵdaıǵa baılanysty eshbir resmı túsinik berilmedi.

Pikirler