15 naýryzda keshki saǵat ondar shamasynda Atyraýda Avangard termınalynyń mańynda atys boldy. Shabýylshy “Kalashnıkov” avtomatymen eki jigitti atyp, úshinshisin aýyr jaralady. Bul týraly “Adyrna” ulttyq portaly “Aqjaıyq” saıtyna silteme jasap habarlaıdy.
Qala mańyndaǵy Erkinqala aýylynyń 27 jáne 22 jastaǵy turǵyndary oqıǵa ornynda kóz jumdy, olardyń 26 jastaǵy aýyldasy basynan oq alǵan jaraqatpen oblystyq aýrýhananyń jansaqtaý bólimine jetkizildi. Keıin ol da kóp uzamaı qaıtys boldy.
«15 naýryzda jergilikti ýaqytpen saǵat 22:10 shamasynda Atyraý qalasyndaǵy «Avangard-3» shaǵyn aýdanyndaǵy aıaldamada atys bolǵan. Atystyń saldarynan 3 adam oqıǵa ornynda qaza tapty. Al, 26 jastaǵy jigit aýyr halde aýrýhanaǵa jetkizildi», -dep habarlady departamenttiń baspasóz qyzmetinen.
Aldyn ala málimet boıynsha, oq atqan adam qashyp ketken, qazir polıııa ony izdestirip jatyr. Qylmys ornynda Atyraý oblysy boıynsha DP jedel-tergeý toby jumys istep jatyr.
“Adyrna” ulttyq portaly
