Atyrauda «Dina» bazary örtenıp jatyr. Ört saǧat 13:00 şamasynda şyqqan. Būl turaly Aq Jaiyq saity jariialady, dep habarlaidy “Adyrna” ūlttyq portaly.
Oqiǧa ornyndaǧy kuägerlerdıŋ aituynşa, tütın paida bolǧannan keiın ǧimarattyŋ töbesı sanauly minuttarda janyp ketken.
Tauarlaryn saqtap qalǧysy kelgen satuşylar tütegen bölmege qaita-qaita jügırıp kırıp, betterın kez kelgen şüberekpen jauyp, ört söndıruşılerge kedergı keltırdı. Olardyŋ keibırın poliseiler kıre berıs esıkten süirep şyǧaruǧa mäjbür boldy. Polisiia patrulderı joldy jauyp tastady, bıraq örtenıp jatqan ǧimaratqa jaqyn jerde jük kölıkterı men toqtap tūrǧan kölıkter ört söndıru jūmystaryn qiyndata tüstı. Ülken qiyndyqpen olar örttıŋ betın qaitara aldy, dep jazady basylym.