Petropavlda benzin qūiyp jatqan er adam örtenıp kettı. Ol şūǧyl türde qalalyq köpsalaly jedel järdem auruhanasynyŋ jansaqtau bölımıne jetkızıldı. Būl turaly Petropavlovsk.news saity jazdy, dep habarlaidy “Adyrna”.
Aqparatqa säikes, 30 jastaǧy er adamnyŋ denesınıŋ 90 paiyzyn küiık şalǧan.
Soltüstık Qazaqstan oblysy densaulyq saqtau basqarmasynyŋ habarlauynşa, ol kanistrden dänekerleitın lampaǧa benzin qūiu kezınde jaraqat alǧan.
"Äielınıŋ aituynşa, oqiǧa kezınde er adamnyŋ qolynda tūtatylǧan temekı bolǧan. Jarylys bolyp, kiımderı örtenıp ketken. Zardap şeguşı bırden jansaqtau bölımıne jetkızıldı", - dep habarlady oblystyq densaulyq saqtau basqarmasynyŋ baspasöz qyzmetı.
Aldyn ala mälımet boiynşa nauqas 2–3A-V därejelı küiık alǧan. Basy, denesı, aiaq-qoly, tynys alu joldary zaqymdanǧan. II-sondai-aq III därejelı küiık şogyn alǧan degen diagnoz qoiyldy.
Er adam jasandy tynys aldyru apparatyna qosyldy. Därıgerler onyŋ jaǧdaiyn öte auyr jäne tūraqsyz dep baǧalap otyr. Därıgerler barlyq qajettı kömektı körsetıp jatyr.
