Qazaqstan ükımetı infliasiia deŋgeiı tūraqtanǧanǧa deiın Aİ-92 markaly benzin men dizel otynynyŋ baǧasyn köteruge moratorii engızdı, dep habarlaidy "Adyrna" ūlttyq portaly.
Būl şeşım Memleket basşysynyŋ azamattar müddesı üşın ekonomikalyq reformalar baǧdarlamasyn jüzege asyru jönındegı tapsyrmasyna säikes qabyldandy. Premer-ministrdıŋ töraǧalyǧymen ötken keŋeste Ükımet müşelerı, memlekettık organdar men ūiymdar basşylary özara talqylaular jürgızdı.
Qabyldanǧan şeşımderge säikes, energetika ministrlıgı, bäsekelestıktı qorǧau jäne damytu agenttıgı jäne öŋır äkımdıkterı bırlesıp ışkı naryqty janarmaimen üzdıksız qamtamasyz etuge jäne tiıstı qadaǧalau jürgızuge mındetteldı.
Kommunaldyq qyzmet tarifterı de 16 qazannan bastap 2026 jyldyŋ I toqsanynyŋ soŋyna deiın öspeitın boldy.
Ükımettıŋ būl şaralary halyqty qoldau jäne ekonomikalyq tūraqtylyqty saqtau maqsatynda qabyldanǧany habarlandy.
