Atyrauda tört adamnan tūratyn otbasynyŋ qazasyna qatysty qaralyp jatqan qylmystyq ıs boiynşa sot otyrysynda jäbırlenuşı tarap sottaluşy Särsemälievten 70 million teŋge kölemınde ötemaqy öndırudı talap ettı, dep habarlaidy "Adyrna" ūlttyq portaly.
Jäbırlenuşı retınde marqūm Maqsot Qarabalinnıŋ äpkesı Ädemı Şılmaǧambetova tanylǧan. Ol Qarabalin jäne Öteşqaliev otbasylarynyŋ atynan moraldyq ötemaqy öndıru turaly talap-aryz bergen. Öz kezegınde Sūltan Särsemäliev talappen kelısetının, alaida ony öteuge jetkılıktı mülkı men qarjysy joq ekenın aitty.
«Menıŋ jalǧyz bailyǧym – menıŋ künderım», – dedı sottaluşy sot barysynda.
Eske salaiyq, 2025 jyldyŋ jeltoqsanynda polisiiaǧa 66 jastaǧy Maqsot Qarabalin, 64 jastaǧy Nasip Öteşqalieva jäne olardyŋ 32 jastaǧy ūly men 35 jastaǧy qyzynyŋ ız-tüzsız joǧalǧany turaly habar tüsken bolatyn. Tuystarynyŋ mälımetınşe, otbasy müşelerı qaraşa aiynan berı bailanysqa şyqpaǧan.
