Qytai memleketı ukraindarmen mäŋgılık dostyq qarym-qatynasta bolady. Aspan asty elınıŋ bilıgı Ukrainany ekonomikalyq jaǧynan da, saiasi jaǧynan da qoldaidy. Mūndai mälımdemenı QHR-nyŋ Ukrainadaǧy tötenşe jäne ökılettı elşısı Fan Sianjun Lvov oblystyq äskeri äkımşılıgınde ötken kezdesu barysynda aitty, dep habarlaidy "Adyrna" ūlttyq portaly.
"Qytai-ukrain halqy üşın dostas el. Bız ärqaşan da sızderdıŋ memleketterıŋızdı qūrmettep, qarym-qatynasymyzdy teŋdık pen özara tiımdılık negızınde damytatyn bolamyz. Bız ukraindar taŋdaǧan joldy qūrmetteimız, öitkenı būl är halyqtyŋ egemendık qūqyǧy", – dedı ol. Elşı: "Qytai eşqaşan Ukrainaǧa şabuyl jasamaidy"dep sendırdı.Onyŋ aituynşa, QHR Ukrainany ekonomikalyq baǧytta damytuǧa kömektesuge daiyn.
"Bızdıŋ elımız bır jylda dünie jüzınıŋ tükpır-tükpırınen 3 trillion dollardan asatyn tauar importtaidy. Bız sızderdı damytuǧa kömektesuge daiynbyz. Qazırgı qalyptasqan jaǧdaida jauapkerşılıkpen äreket etetın bolamyz", - dep sendırdı diplomat.
"Adyrna" ūlttyq portaly
