Memleket basşysy Qasym-Jomart Toqaev Almaty qalasynyŋ "Astana" alaŋynda ötıp jatqan merekelık ıs-şaraǧa qatysyp, barşa qazaqstandyqtardy Ūlystyŋ ūly künımen qūttyqtady, dep jazady "Adyrna" ūlttyq portaly.
"Kün men tün teŋelıp, küllı tabiǧat qaita jaŋaratyn äz Nauryzdy qarsy aluǧa babalarymyz erekşe män bergen. Jyl basyn Ūlystyŋ ūly künı dep ardaqtaǧan. Äz Nauryz - bereke-bırlıktıŋ, şynaiy janaşyrlyqtyŋ jäne özara qamqorlyqtyŋ meiramy, - dep atap öttı Prezident.Toqaev "Qaŋtar qasıretı" kezınde almatylyqtardyŋ qaisarlyq tanyta bılgenın aityp, aldaǧy uaqytta jaŋa Qazaqstannyŋ qūrylysy bastalatynyn mälımdedı.
Men bügın Ūlys künın özderıŋızben bırge qarsy alu üşın Almatyǧa arnaiy kelıp otyrmyn. Almaty - Täuelsızdıgımızdıŋ altyn besıgı. Halqymyzǧa qaita oralǧan Ūlys toiyn merekeleu osy qasterlı mekennen bastaldy. Almaty - qazaq elınıŋ ruhani, mädeni jäne ıskerlık ortalyǧy. Qaŋtardaǧy terrorister men qasköilerdıŋ negızgı soqqysy Almatyǧa tiıp, jazyqsyz adamdar qaza tapty. Qala infraqūrylymyna ülken zalal keldı. Degenmen, almatylyqtar, qaisarlyq tanyta bıldı. Men sızderge rizamyn, memlekettılıgımızdıŋ būryn-soŋdy bolmaǧan qauıp-qaterı aldynda dürlıkpedıŋızder Aldymyzda auqymdy reformalar kütıp tūr. Jaŋa Qazaqstannyŋ qūrylysy bastalady. Bız jaŋa eldı, jaŋa Qazaqstandy mındettı türde qūramyz jäne bızdıŋ qolymyzdan bärı keledı", - dedı Toqaev.
"Adyrna" ūlttyq portaly
