Búgin Úkimet janyndaǵy daǵdarysqa qarsy Shtabtyń otyrysynda talqylanǵan másele boıynsha sál túsinbestik bolyp jatqan sııaqty.
Qazirgi geosaıası jaǵdaıda ózderińizge belgili elimizge taýar jetkizý boıynsha biraz qıyndyq týyndady. Sondaı-aq, elimizge syrttan keletin keıbir taýarlardy óndirýshi elder óz terrıtorııasynan shyǵarýǵa tyıym saldy.
Mundaı jaǵdaıda elde taýar defııti men baǵanyń qymbattamaýy úshin bıznes ókilderi taýarlarǵa zań talaby boıynsha memlekettik jáne orys tilinde jabystyrylýy tıis etıketkalardy ýaqytsha alyp tastaýdy surady.
Onyń ornyna dúken sórelerinde QR kod ornatylyp, ár azamat taýar týraly aqparat alý múmkindigi paıda bolady.
Qarapaıym mysalmen aıtsaq, máselen, bıznes úndi qantyn elge alyp kelse, ony kirgizý úshin qazaq jáne orys tilderinde etıketka jabystyrýy tıis.
Endi biz bul talapty alyp tastasaq, siz dúkenge barǵanda úndi qantyn alsańyz, ol jerde tek úndi tilinde jazylyp turady da, al qasynda mindetti túrde bolatyn QR kodty skandaý arqyly qazaq ári orys tilinde aqparatty ala alasyz. Osylaısha sizdiń aqparat alý quqyǵyńyz tolyq saqtalady. Sonymen qatar, elde qant tapshylyǵyna jol berilmeıdi.
Taǵy da qaıtalap jazǵym keledi, bul tek qazaq tiline emes, orys tiline de qatysty. Sondaı-aq, bıznes ókilderi logıstıkany durystaǵansha ýaqytsha shara ǵana!
Úkimet eshqashan memlekettik tildi kemsitýge jol bermeıdi ári bul múmkin de emes!
Rýslan JELDIBAI
