Bügın Ükımet janyndaǧy daǧdarysqa qarsy Ştabtyŋ otyrysynda talqylanǧan mäsele boiynşa säl tüsınbestık bolyp jatqan siiaqty.
Qazırgı geosaiasi jaǧdaida özderıŋızge belgılı elımızge tauar jetkızu boiynşa bıraz qiyndyq tuyndady. Sondai-aq, elımızge syrttan keletın keibır tauarlardy öndıruşı elder öz territoriiasynan şyǧaruǧa tyiym saldy.
Mūndai jaǧdaida elde tauar defisitı men baǧanyŋ qymbattamauy üşın biznes ökılderı tauarlarǧa zaŋ talaby boiynşa memlekettık jäne orys tılınde jabystyryluy tiıs etiketkalardy uaqytşa alyp tastaudy sūrady.
Onyŋ ornyna düken sörelerınde QR kod ornatylyp, är azamat tauar turaly aqparat alu mümkındıgı paida bolady.
Qarapaiym mysalmen aitsaq, mäselen, biznes ündı qantyn elge alyp kelse, ony kırgızu üşın qazaq jäne orys tılderınde etiketka jabystyruy tiıs.
Endı bız būl talapty alyp tastasaq, sız dükenge barǧanda ündı qantyn alsaŋyz, ol jerde tek ündı tılınde jazylyp tūrady da, al qasynda mındettı türde bolatyn QR kodty skandau arqyly qazaq ärı orys tılınde aqparatty ala alasyz. Osylaişa sızdıŋ aqparat alu qūqyǧyŋyz tolyq saqtalady. Sonymen qatar, elde qant tapşylyǧyna jol berılmeidı.
Taǧy da qaitalap jazǧym keledı, būl tek qazaq tılıne emes, orys tılıne de qatysty. Sondai-aq, biznes ökılderı logistikany dūrystaǧanşa uaqytşa şara ǧana!
Ükımet eşqaşan memlekettık tıldı kemsıtuge jol bermeidı ärı būl mümkın de emes!
Ruslan JELDIBAI
