«JEO-2» JŞS direktory men käsıporynnyŋ bas injenerı ūstalyp, Petropavl qalalyq IIB uaqytşa ūstau izoliatoryna qamaldy. Aqparatty Soltüstık Qazaqstan oblysy prokuraturasynyŋ baspasöz qyzmetı rastady, - dep habarlaidy "Adyrna" ūlttyq portaly.
JEO-2-de bolǧan oqiǧadan keiın qūqyq qorǧau organdary QR Qylmystyq kodeksınıŋ 254-baby - «Mındetke senımsızdıkpen qarau» boiynşa qylmystyq ıstı tergeuge kırıstı.
"Tergeu barysy oblys prokurory men Soltüstık Qazaqstan oblysynyŋ polisiia departamentınıŋ bastyǧynyŋ baqylauyna alyndy. Sonymen bırge, oblys prokuraturasy baqylauşy organdardyŋ qyzmetıne taldau jasauda. Onyŋ qorytyndysy boiynşa jauapty qyzmetkerlerdıŋ äreketı baǧalanady», - dep tolyqtyrdy Soltüstık Qazaqstan oblysy prokuraturasynyŋ baspasöz qyzmetı.Eske salaiyq, 20 nauryzda Petropavldaǧy 2-JEO-da üş qūbyrdyŋ bırı opyrylyp tüsken bolatyn. Qūlaǧan sätı videoǧa tüsıp qalǧan. Oqiǧadan keiın bır qyzmetker joǧalyp ketken. 38 jastaǧy äieldı ızdestıru jūmystary qūlau qaupıne bailanysty tehnikasyz jürgızıldı. Tünde jūmys toqtatyldy.
"Adyrna" ūlttyq portaly
Ūqsas jaŋalyqtar
