Qara teńizdiń reseılik bóligindegi daýyldyń saldarynan Reseı men Qazaqstannan Kaspıı qubyr konsorıýmy (KQK) arqyly munaı eksporty táýligine 1 mln.barrelge nemese álemde óndiriletin munaı kóleminiń 1% - na qysqarýy múmkin, dep jazady "Adyrna" ulttyq portaly.
Qara teńizdiń reseılik bóligindegi daýyl Qazaqstannan álemdik naryqqa munaı tasymaldaıtyn álemdegi eń iri munaı qubyrlarynyń biri KQK-nyń tıeý jabdyǵyn zaqymdady, dep habarlady seısenbi kúni onyń operatory.
Reseıdiń Energetıka mınıstriniń orynbasary Pavel Sorokın ekinshi aılaqtyń da zaqymdanýy múmkin ekenin aıtty. Sheneýniktiń aıtýynsha, jóndeý jumystary eki aıǵa sozylýy múmkin, bul munaı eksportyn táýligine 1 mıllıon barrelge qysqartýy múmkin.
KQK qubyry Reseıdiń Ýkraınaǵa basyp kirýinen keıin Reseıdiń eksportyn shektep, munaı baǵasyn sharyqtatyp jibergennen beri kópshiliktiń nazaryn aýdaryp keledi. AQSh reseılik munaıǵa sankııa saldy, biraq el bıligi Qazaqstannan Reseı arqyly ótetin munaı aǵyny toqtaýsyz jalǵasýy kerektigin aıtty.
Bul qubyr arqyly kúnine shamamen 1,2 mıllıon barrel tasymaldanady, bul álemdik suranystyń 1,2% quraıdy. Onyń jumysyndaǵy kez kelgen eleýli úzilis 1970 jyldardaǵy arab munaı embargosynan bergi eń nashar jetkizilim daǵdarystarynyń birin bastan keshirip jatqan álemdik munaı naryǵyna qosymsha aýyrtpalyq túsiredi.
Qubyrdaǵy munaıdyń basym bóligi Reseı, Qazaqstan jáne «Shevron» sııaqty halyqaralyq munaı kompanııalaryna tıesili. Ol Reseıdiń Qara teńizdegi Novorossıısk portynan munaı eksporttaıdy. Chevron ókili kompanııa «qazirgi ýaqytta jaǵdaıdy baǵalaýda» dedi.
"Adyrna" ulttyq portaly
