26 nauryzda saǧat 21.30-da Petropavldaǧy JEO-2-de taǧy da apat boldy, - dep habarlaidy "Adyrna" ūlttyq portalynyŋ tılşısı. Aqparatty käsıporynnyŋ baspasöz qyzmetı rastady.
"Qazır käsıporynda ekı qazandyq pen ekı turbina bar. Jelılık sudyŋ temperaturasy 43-37 gradus Selsii", - dep habarlady Petropavl äkımdıgı. Kompaniia tüsındırgendei, JEO-2-de barlyǧy 12 qazandyq ornatyldy: bıreuı tolyǧymen auystyruǧa daiyndalyp jatqandyqtan, bölşekteldı. Biylǧy qysta orta eseppen 7-8 qazandyq jūmys ıstedı, mūrjanyŋ bır bölıgı opyrylǧannan keiın bırınşı kezektegı qazandyqtar toqtap, beseuı jūmys ıstep tūrdy», - deidı «Sevkazenergo» AQ baspasöz hatşysy Liliia Şerina.Sondai-aq olar JEO-2-de jöndeu-qalpyna keltıru jūmystary jürgızılıp jatqanyn qosa aitty. Olardyŋ qanşa uaqytqa sozylatyny äzırge belgısız. Eske salaiyq, 20 nauryzda Petropavl qalasyndaǧy JEO-2-de bır mūrja opyrylyp tüsken bolatyn. Oqiǧadan keiın bır täulıkten astam uaqyt ötken soŋ qūtqaruşylar käsıporynnyŋ mamanyn ızdestırdı. 22 nauryzda üiındı astynan 38 jasar jūmysşynyŋ denesı tabyldy. Prokuratura oqiǧaǧa qatysty tergeudı jalǧastyruda. 22 nauryzda «JEO-2» JŞS direktory men käsıporynnyŋ bas injenerı ūstalyp, Petropavl qalalyq IIB uaqytşa ūstau izoliatoryna qamaldy. Oblys ortalyǧyndaǧy JEO-2 60 jyldan astam jūmys ıstep keledı. 2021 jyldyŋ qaraşa jäne jeltoqsan ailarynda käsıporynda ekı ret oqys oqiǧa oryn aldy. Ekeuınde ekı qazandyq ısten şyqty. Odan keiın qalanyŋ bırneşe audany jaryqsyz qaldy.
"Adyrna" ūlttyq portaly
Ūqsas jaŋalyqtar
