Qoǧamdyq densaulyq saqtau ūlttyq ortalyǧynyŋ deregınşe, qazaqstandyqtardyŋ 20 %-y semızdıkke şaldyqqan. Mūndai semızdıktıŋ bır saldary - ettı şekteusız jeu deidı nutrisiolog, Qazaq taǧamdanu akademiiasynyŋ prezidentı Töregeldı Şarmanov.
“Et jeu osy eken dep şekteusız, taŋdausyz kez kelgen ettı paidalana beru densaulyǧymyzdy naşarlatpasa, nyǧaitpaidy. Ras, ata-babamyzdyŋ tabaǧy etten, mūrty maidan ajyramaǧan dersız. Bıraq ata-babamyzdyŋ ömır süru salty qandai edı? Ertelı-keş şaruanyŋ soŋynda jürdı emes pe?”, - dep jazdy Qazaq taǧamtanu akademiiasynyŋ prezidentı özınıŋ Facebook paraqşasyna.
Ǧalymnyŋ aituynşa, keŋse jūmysy, tehika men tehnologiia zamanynda astyŋ qorytyluy qiyn.
“Al bügıngı ūrpaqtyŋ ömır süru salty qandai? Qazırgı zaman qimyl-qozǧalysy az keŋse jūmysy, tehnika men tehnologiia zamany ǧoi. Tıptı jaiau jüretın jūrt joq. Jegenıŋız qai kezde qorytylyp, qai kezde aǧzaŋyzǧa sıŋedı? Osydan semızdık, ateroskleroz syndy aurular beleŋ alyp barady”,- delıngen jazbada.
“Adyrna” ūlttyq portaly
