Qazaqstan Ukrainanyŋ aumaqtyq tūtastyǧyn qūrmetteidı jäne Qyrym men Donbass aumaqtary mäselelerı boiynşa BŪŪ-nyŋ şeşımderın ūstanuǧa niettı, dep mälımdedı Euractiv basylymyna bergen sūhbatynda Qazaqstan Prezidentı Äkımşılıgı basşysynyŋ bırınşı orynbasary Timur Süleimenov. Būl turaly "Adyrna" ūlttyq portaly jazady.
«Ärine, Resei bızdıŋ onyŋ jaǧynda bolǧanymyzdy qalaidy. Bıraq Qazaqstan Ukrainanyŋ aumaqtyq tūtastyǧyn qūrmetteidı. Bız Qyrymdaǧy jaǧdaidy da, Donbasstaǧy jaǧdaidy da moiyndamadyq jäne moiyndamaimyz, öitkenı BŪŪ olardy moiyndamaidy. Bız Bırıkken Ūlttar Ūiymy deŋgeiınde qabyldanǧan şeşımderdı ǧana oryndaimyz», - dedı ol.«Bız bardy bar dep qabyldaimyz. Qalai atalu kerek solai ataimyz. Reseide «soǧys» sözıne tyiym salatyn zaŋ engızu turaly şeşım qabyldandy. Olar mūny arnaiy äskeri operasiia dep ataidy. Bıraq Qazaqstanda bız ony qalai bar solai ataimyz, ökınışke orai», - dedı Süleimenov. Būl rette ol Qazaqstannyŋ Reseige qarsy «sanksiialardy oryndaitynyn» atap öttı.
«Resei, Belarus jäne basqa da eldermen ekonomikalyq odaqtyŋ bır bölıgı bolǧanymyzǧa qaramastan, bız halyqaralyq qauymdastyqtyŋ bır bölıgımız. Sondyqtan AQŞ pen Euroodaqtyŋ Qazaqstanǧa qarsy ekınşı därejelı sanksiialarynyŋ qoldanyluyn qalaitynymyz ras», - dedı Süleimenov.Soǧan qaramastan, ol Qazaqstan «Reseige investisiia saludy jäne Reseige investisiia tartudy jalǧastyrady: ekonomikamyz basqaşa jūmys ıstemeidı» dep qosty.
«Bıraq bız sanksiialanǧan tauarlardy baqylau üşın bar küşımızdı salamyz. Bız sanksiiaǧa ūşyraǧan tūlǧalardyŋ nemese ūiymdardyŋ Qazaqstanǧa salǧan kez kelgen investisiiasyn baqylauǧa bar küşımızdı salamyz jäne mūny europalyqtarǧa aşyq jetkızgımız keldı. Bızde jüie bar ekenın jäne būl jüie, ökınışke orai, ūzaq uaqyt boiy osynda qalatynyn aşyq aitqymyz keledı», - dedı ol.
"Adyrna" ūlttyq portaly
Ūqsas jaŋalyqtar
