Tötenşe jaǧdailar ministrlıgınıŋ habarlauynşa, 2021-2023 jyldarǧa arnalǧan su tasqynyna qarsy ıs-şaralardyŋ Jol kartasy şeŋberınde 2021 jyly ıske asyru josparlanǧan 68 ıs-şaranyŋ 33-ı oryndaldy. Aiaqtalu merzımı 2022-2023 jyldarǧa josparlanǧan 4 ıs-şara merzımınen būryn oryndaldy, dep jazady "Adyrna" ūlttyq portaly.
Atap aitqanda, 9,4 şaqyrym özen arnalary qaita qūrylyp, 22,2 şaqyrym tazartyldy. 8,2 şaqyrym qorǧanys bögetterı salynyp, 8,1 şaqyrym bögetterde aǧymdaǧy jöndeu jūmystary jürgızıldı. Ekı gidrotehnikalyq qūrylys salyndy. 4 jergılıktı qūlaqtandyru jüiesı ornatyldy. Avtomobil jolynyŋ astyndaǧy su ötkızu qūbyry auystyryldy.
Būdan basqa, atalǧan eldı mekenderdı su tasqynyna qarsy qorǧau üşın TJM jergılıktı atqaruşy organdarmen ıske asyrylatyn ekı negızgı baǧdarlamalyq qūjattar şeŋberınde su tasqynyna qarsy jūmystardyŋ oryndaluyna monitoring boiynşa jūmys jürgızılude.
"Jalpy su tasqynyna qarsy ıs-şaralar keşenın ıske asyru barysynda 340 eldı mekennen su basu qaupı joiyldy. 385 eldı mekende qauıp azaityldy. Bügıngı künı su tasqyny qaupı bar 1 010 eldı mekennıŋ 285-ı üşın yqtimal qauıp saqtaluda. Ötken täulıkte öŋırler aumaǧynda jergılıktı atqaruşy organdar men TJM küşterı Aqmola, Aqtöbe, Batys Qazaqstan, Şyǧys Qazaqstan, Pavlodar, Türkıstan oblystarynda jäne Nūr-Sūltan qalasynda 144 379 m3 erıgen qar suyn soru jūmystaryn jürgızdı. Sondai-aq Aqmola, Batys Qazaqstan, Şyǧys Qazaqstan, Pavlodar, Aqtöbe oblystarynda 7 961 inerttı material salynǧan qap töseldı. Batys Qazaqstan oblysynda 250 m2 alqapta özenderde mūz kesu jūmystary jürgızıldı", - delıngen habarlamada.Batys Qazaqstan oblysynda avariialyq-qūtqaru jūmystaryna Maŋǧystau jäne Atyrau oblystarynyŋ TJD küşterı men qūraldary jeke qūramnan 92 adam, 13 bırlık tehnika, 2 jüzu qūraly jäne 6 motopompa jūmyldyryldy. Qazırgı uaqytta Batys Qazaqstan oblysynda su basqan 53 tūrǧyn üiı men Aqtöbe oblysynda 57 saiajai üiı baqylauda tūr.
"Ötken täulıkte Batys Qazaqstan jäne Aqtöbe oblystarynda 773 adam evakuasiialandy. Olar uaqytşa evakuasiialau punktterı men tuystarynyŋ üilerıne ornalastyryldy. Qaitys bolǧan jäne zardap şekken adamdar turaly aqparat tırkelgen joq. TJM «Qazaviaqūtqaru» AQ tıkūşaǧymen Jaqsybai auylynan Oral qalasyna 2 jüktı äiel jetkızıldı. Ötken täulıkte Batys Qazaqstan oblysynda 99 tūrǧyn üidı, Aqtöbe oblysynda 57 saiajai üiın jäne 21 aula aumaǧyn su basty. Aqtöbe oblysynyŋ respublikalyq maŋyzy bar joldarynyŋ 2 uchaskesınde, sondai-aq Aqtöbe, Qaraǧandy, Batys Qazaqstan jäne Aqmola oblystarynyŋ oblystyq jäne jergılıktı maŋyzy bar 14 uchaskesınde su tasuda",- dep habarlady ministrlık.Osy jūmystarǧa TJM, IIM, ŪQK ŞQ, JAO 2 229 adam, 489 bırlık tehnika, 238 su aidau qūraly jäne 27 jüzu qūraly jūmyldyryldy. Onyŋ ışınde TJM jeke qūramynan 974 adam, 117 bırlık tehnika, 145 su aidau qūraly, 21 jüzu qūraly bar.
"Adyrna" ūlttyq portaly
